פסוקים על Praise

שלח אורך ואמתך המה ינחוני יביאוני אל הר קדשך ואל משכנותיך׃

ואבואה אל מזבח אלהים אל אל שמחת גילי ואודך בכנור אלהים אלהי׃

¶ למנצח לבני קרח מזמור כל העמים תקעו כף הריעו לאלהים בקול רנה׃

זמרו אלהים זמרו זמרו למלכנו זמרו׃

כי מלך כל הארץ אלהים זמרו משכיל׃

¶ שיר מזמור לבני קרח גדול יהוה ומהלל מאד בעיר אלהינו הר קדשו׃

זבח תודה יכבדנני ושם דרך אראנו בישע אלהים׃

אדני שפתי תפתח ופי יגיד תהלתך׃

אודך לעולם כי עשית ואקוה שמך כי טוב נגד חסידיך׃

באלהים אהלל דבר ביהוה אהלל דבר׃

עלי אלהים נדריך אשלם תודת לך׃

נכון לבי אלהים נכון לבי אשירה ואזמרה׃

עורה כבודי עורה הנבל וכנור אעירה שחר׃

אודך בעמים אדני אזמרך בל אמים׃

עזי אליך אזמרה כי אלהים משגבי אלהי חסדי׃

כן אזמרה שמך לעד לשלמי נדרי יום יום׃

כי טוב חסדך מחיים שפתי ישבחונך׃

כן אברכך בחיי בשמך אשא כפי׃

כמו חלב ודשן תשבע נפשי ושפתי רננות יהלל פי׃

אם זכרתיך על יצועי באשמרות אהגה בך׃

¶ למנצח מזמור לדוד שיר לך דמיה תהלה אלהים בציון ולך ישלם נדר׃

¶ למנצח שיר מזמור הריעו לאלהים כל הארץ׃

זמרו כבוד שמו שימו כבוד תהלתו׃

כל הארץ ישתחוו לך ויזמרו לך יזמרו שמך סלה׃

ברכו עמים אלהינו והשמיעו קול תהלתו׃