פסוקים על Praise

מאתך תהלתי בקהל רב נדרי אשלם נגד יראיו׃

שאו שערים ראשיכם והנשאו פתחי עולם ויבוא מלך הכבוד׃

מי זה מלך הכבוד יהוה עזוז וגבור יהוה גבור מלחמה׃

שאו שערים ראשיכם ושאו פתחי עולם ויבא מלך הכבוד׃

מי הוא זה מלך הכבוד יהוה צבאות הוא מלך הכבוד סלה׃

רגלי עמדה במישור במקהלים אברך יהוה׃

ועתה ירום ראשי על איבי סביבותי ואזבחה באהלו זבחי תרועה אשירה ואזמרה ליהוה׃

ברוך יהוה כי שמע קול תחנוני׃

יהוה עזי ומגני בו בטח לבי ונעזרתי ויעלז לבי ומשירי אהודנו׃

זמרו ליהוה חסידיו והודו לזכר קדשו׃

שמחו ביהוה וגילו צדיקים והרנינו כל ישרי לב׃

¶ רננו צדיקים ביהוה לישרים נאוה תהלה׃

הודו ליהוה בכנור בנבל עשור זמרו לו׃

שירו לו שיר חדש היטיבו נגן בתרועה׃

¶ לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃

ביהוה תתהלל נפשי ישמעו ענוים וישמחו׃

גדלו ליהוה אתי ונרוממה שמו יחדו׃

אודך בקהל רב בעם עצום אהללך׃

ולשוני תהגה צדקך כל היום תהלתך׃

¶ למנצח לדוד מזמור קוה קויתי יהוה ויט אלי וישמע שועתי׃

ויעלני מבור שאון מטיט היון ויקם על סלע רגלי כונן אשרי׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

ברוך יהוה אלהי ישראל מהעולם ועד העולם אמן ואמן׃

אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃