פסוקים על God

רבבה כצמח השדה נתתיך ותרבי ותגדלי ותבאי בעדי עדיים שדים נכנו ושערך צמח ואת ערם ועריה׃

ואעבר עליך ואראך והנה עתך עת דדים ואפרש כנפי עליך ואכסה ערותך ואשבע לך ואבוא בברית אתך נאם אדני יהוה ותהיי לי׃

וארחצך במים ואשטף דמיך מעליך ואסכך בשמן׃

ואלבישך רקמה ואנעלך תחש ואחבשך בשש ואכסך משי׃

ואעדך עדי ואתנה צמידים על ידיך ורביד על גרונך׃

ואתן נזם על אפך ועגילים על אזניך ועטרת תפארת בראשך׃

ותעדי זהב וכסף ומלבושך ששי ומשי ורקמה סלת ודבש ושמן אכלתי ותיפי במאד מאד ותצלחי למלוכה׃

ויצא לך שם בגוים ביפיך כי כליל הוא בהדרי אשר שמתי עליך נאם אדני יהוה׃

וארשתיך לי לעולם וארשתיך לי בצדק ובמשפט ובחסד וברחמים׃

וארשתיך לי באמונה וידעת את יהוה׃

ואנכי תרגלתי לאפרים קחם על זרועתיו ולא ידעו כי רפאתים׃

בחבלי אדם אמשכם בעבתות אהבה ואהיה להם כמרימי על על לחיהם ואט אליו אוכיל׃

יהוה ארך אפים וגדול כח ונקה לא ינקה יהוה בסופה ובשערה דרכו וענן אבק רגליו׃

גוער בים ויבשהו וכל הנהרות החריב אמלל בשן וכרמל ופרח לבנון אמלל׃

הרים רעשו ממנו והגבעות התמגגו ותשא הארץ מפניו ותבל וכל ישבי בה׃

לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו׃

אהבתי אתכם אמר יהוה ואמרתם במה אהבתנו הלוא אח עשו ליעקב נאם יהוה ואהב את יעקב׃

ואת עשו שנאתי ואשים את הריו שממה ואת נחלתו לתנות מדבר׃

אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו׃

והיו לי אמר יהוה צבאות ליום אשר אני עשה סגלה וחמלתי עליהם כאשר יחמל איש על בנו העבד אתו׃

כי בא בן האדם להושיע את האבד׃

מה דעתכם כי יהיו לאיש מאה כבשים ותעה אחד מהם הלא יעזב את התשעים ותשעה על ההרים והלך לבקש את התעה׃

והיה כאשר ימצאהו אמן אמר אני לכם כי ישמח עליו יותר מעל התשעים ותשעה אשר לא תעו׃

כן איננו רצון מלפני אביכם שבשמים כי יאבד אחד מן הקטנים האלה׃

אמן אמר אני לכם כי לא יעבר הדור הזה עד אשר יהיו כל אלה׃