פסוקים על God: Longsuffering of, abused

וכנוח להם ישובו לעשות רע לפניך ותעזבם ביד איביהם וירדו בהם וישובו ויזעקוך ואתה משמים תשמע ותצילם כרחמיך רבות עתים׃

ותעד בהם להשיבם אל תורתך והמה הזידו ולא שמעו למצותיך ובמשפטיך חטאו בם אשר יעשה אדם וחיה בהם ויתנו כתף סוררת וערפם הקשו ולא שמעו׃

ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצת׃

וברחמיך הרבים לא עשיתם כלה ולא עזבתם כי אל חנון ורחום אתה׃

יען קראתי ותמאנו נטיתי ידי ואין מקשיב׃

ותפרעו כל עצתי ותוכחתי לא אביתם׃

גם אני באידכם אשחק אלעג בבא פחדכם׃

בבא כשאוה פחדכם ואידכם כסופה יאתה בבא עליכם צרה וצוקה׃

ואם העבד הרע יאמר בלבו בשש אדני לבוא׃

ויחל להכות את חבריו ואכל ושתה עם הסובאים׃

בוא יבוא אדני העבד ההוא ביום לא יצפה ובשעה לא ידע׃

וישסף אתו וישים את חלקו עם החנפים שם תהיה היללה וחרק השנים׃

וישא משלו ויאמר איש אחד היתה לו תאנה נטועה בכרמו ויבא לבקש בה פרי ולא מצא׃

ויאמר אל הכרם הנה זה שלש שנים אנכי בא לבקש פרי בתאנה הזאת ואינני מוצא גדע אותה למה זה תשחית את האדמה׃

ויען ויאמר אליו אדני הניחה אתה עוד השנה הזאת עד כי אעדר ושמתי דמן סביבותיה׃

אולי תעשה פרי ואם לא בשנה הבאה תגדענה׃