פסוקים על God: Faithfulness of

75 פסוקים · 46 היבטים

פסוקים על Faithfulness of

סינון לפי ספר
  1. בְּרֵאשִׁית ט׳:ט״ו

    וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר׃

  2. בְּרֵאשִׁית ט׳:ט״ז

    והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ׃

  3. שְׁמֹות ו׳:ד׳

    וגם הקמתי את בריתי אתם לתת להם את ארץ כנען את ארץ מגריהם אשר גרו בה׃

  4. שְׁמֹות ו׳:ה׳

    וגם אני שמעתי את נאקת בני ישראל אשר מצרים מעבדים אתם ואזכר את בריתי׃

  5. וַיִּקְרָא כ״ו:מ״ד

    ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃

  6. וַיִּקְרָא כ״ו:מ״ה

    וזכרתי להם ברית ראשנים אשר הוצאתי אתם מארץ מצרים לעיני הגוים להית להם לאלהים אני יהוה׃

  7. דְּבָרִים ז׳:ח׳

    כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃

  8. דְּבָרִים ז׳:ט׳

    וידעת כי יהוה אלהיך הוא האלהים האל הנאמן שמר הברית והחסד לאהביו ולשמרי מצותו לאלף דור׃

  9. 2 שְׁמוּאֵל ז׳:י״ד

    אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃

  10. 2 שְׁמוּאֵל ז׳:ט״ו

    וחסדי לא יסור ממנו כאשר הסרתי מעם שאול אשר הסרתי מלפניך׃

  11. 1 מְלָכִים ח׳:כ״ג

    ויאמר יהוה אלהי ישראל אין כמוך אלהים בשמים ממעל ועל הארץ מתחת שמר הברית והחסד לעבדיך ההלכים לפניך בכל לבם׃

  12. 1 מְלָכִים ח׳:כ״ד

    אשר שמרת לעבדך דוד אבי את אשר דברת לו ותדבר בפיך ובידך מלאת כיום הזה׃

  13. 2 דִּבְרֵי הַיָּמִים ו׳:ד׳

    ויאמר ברוך יהוה אלהי ישראל אשר דבר בפיו את דויד אבי ובידיו מלא לאמר׃

  14. 2 דִּבְרֵי הַיָּמִים ו׳:ה׳

    מן היום אשר הוצאתי את עמי מארץ מצרים לא בחרתי בעיר מכל שבטי ישראל לבנות בית להיות שמי שם ולא בחרתי באיש להיות נגיד על עמי ישראל׃

  15. 2 דִּבְרֵי הַיָּמִים ו׳:ו׳

    ואבחר בירושלם להיות שמי שם ואבחר בדויד להיות על עמי ישראל׃

  16. 2 דִּבְרֵי הַיָּמִים ו׳:ז׳

    ויהי עם לבב דויד אבי לבנות בית לשם יהוה אלהי ישראל׃

  17. 2 דִּבְרֵי הַיָּמִים ו׳:ח׳

    ויאמר יהוה אל דויד אבי יען אשר היה עם לבבך לבנות בית לשמי הטיבות כי היה עם לבבך׃

  18. 2 דִּבְרֵי הַיָּמִים ו׳:ט׳

    רק אתה לא תבנה הבית כי בנך היוצא מחלציך הוא יבנה הבית לשמי׃

  19. 2 דִּבְרֵי הַיָּמִים ו׳:י׳

    ויקם יהוה את דברו אשר דבר ואקום תחת דויד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃

  20. 2 דִּבְרֵי הַיָּמִים ו׳:י״א

    ואשים שם את הארון אשר שם ברית יהוה אשר כרת עם בני ישראל׃

  21. 2 דִּבְרֵי הַיָּמִים ו׳:י״ב

    ויעמד לפני מזבח יהוה נגד כל קהל ישראל ויפרש כפיו׃

  22. 2 דִּבְרֵי הַיָּמִים ו׳:י״ג

    כי עשה שלמה כיור נחשת ויתנהו בתוך העזרה חמש אמות ארכו וחמש אמות רחבו ואמות שלוש קומתו ויעמד עליו ויברך על ברכיו נגד כל קהל ישראל ויפרש כפיו השמימה׃

  23. 2 דִּבְרֵי הַיָּמִים ו׳:י״ד

    ויאמר יהוה אלהי ישראל אין כמוך אלהים בשמים ובארץ שמר הברית והחסד לעבדיך ההלכים לפניך בכל לבם׃

  24. 2 דִּבְרֵי הַיָּמִים ו׳:ט״ו

    אשר שמרת לעבדך דויד אבי את אשר דברת לו ותדבר בפיך ובידך מלאת כיום הזה׃

  25. נחמיה ט׳:ז׳

    אתה הוא יהוה האלהים אשר בחרת באברם והוצאתו מאור כשדים ושמת שמו אברהם׃