פסוקים על God

662 פסוקים · 46 היבטים

פסוקי מפתח

סינון לפי ספר
  1. יְשַׁעְיָהוּ נ״ד:ו׳

    כי כאשה עזובה ועצובת רוח קראך יהוה ואשת נעורים כי תמאס אמר אלהיך׃

  2. יְשַׁעְיָהוּ נ״ד:ט׳

    כי מי נח זאת לי אשר נשבעתי מעבר מי נח עוד על הארץ כן נשבעתי מקצף עליך ומגער בך׃

  3. יְשַׁעְיָהוּ נ״ד:י׳

    כי ההרים ימושו והגבעות תמוטנה וחסדי מאתך לא ימוש וברית שלומי לא תמוט אמר מרחמך יהוה׃

  4. יְשַׁעְיָהוּ ס״ב:ד׳

    לא יאמר לך עוד עזובה ולארצך לא יאמר עוד שממה כי לך יקרא חפצי בה ולארצך בעולה כי חפץ יהוה בך וארצך תבעל׃

  5. יְשַׁעְיָהוּ ס״ב:ה׳

    כי יבעל בחור בתולה יבעלוך בניך ומשוש חתן על כלה ישיש עליך אלהיך׃

  6. יְשַׁעְיָהוּ ס״ג:ז׳

    חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

  7. יְשַׁעְיָהוּ ס״ג:ח׳

    ויאמר אך עמי המה בנים לא ישקרו ויהי להם למושיע׃

  8. יְשַׁעְיָהוּ ס״ג:ט׳

    בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם׃

  9. יִרְמְיָהוּ ג׳:י״ד

    שובו בנים שובבים נאם יהוה כי אנכי בעלתי בכם ולקחתי אתכם אחד מעיר ושנים ממשפחה והבאתי אתכם ציון׃

  10. יִרְמְיָהוּ ג׳:ט״ו

    ונתתי לכם רעים כלבי ורעו אתכם דעה והשכיל׃

  11. יִרְמְיָהוּ ל״א:ל״ה

    כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃

  12. יִרְמְיָהוּ ל״א:ל״ו

    אם ימשו החקים האלה מלפני נאם יהוה גם זרע ישראל ישבתו מהיות גוי לפני כל הימים׃

  13. יִרְמְיָהוּ ל״א:ל״ז

    כה אמר יהוה אם ימדו שמים מלמעלה ויחקרו מוסדי ארץ למטה גם אני אמאס בכל זרע ישראל על כל אשר עשו נאם יהוה׃

  14. יִרְמְיָהוּ ל״ג:כ׳

    כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃

  15. יִרְמְיָהוּ ל״ג:כ״א

    גם בריתי תפר את דוד עבדי מהיות לו בן מלך על כסאו ואת הלוים הכהנים משרתי׃

  16. יִרְמְיָהוּ ל״ג:כ״ה

    כה אמר יהוה אם לא בריתי יומם ולילה חקות שמים וארץ לא שמתי׃

  17. יִרְמְיָהוּ ל״ג:כ״ו

    גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים׃

  18. יִרְמְיָהוּ נ״א:ט״ו

    עשה ארץ בכחו מכין תבל בחכמתו ובתבונתו נטה שמים׃

  19. יִרְמְיָהוּ נ״א:ט״ז

    לקול תתו המון מים בשמים ויעל נשאים מקצה ארץ ברקים למטר עשה ויוצא רוח מאצרתיו׃

  20. יְחֶזְקֵאל ט״ז:א׳

    ¶ ויהי דבר יהוה אלי לאמר׃

  21. יְחֶזְקֵאל ט״ז:ב׳

    בן אדם הודע את ירושלם את תועבתיה׃

  22. יְחֶזְקֵאל ט״ז:ג׳

    ואמרת כה אמר אדני יהוה לירושלם מכרתיך ומלדתיך מארץ הכנעני אביך האמרי ואמך חתית׃

  23. יְחֶזְקֵאל ט״ז:ד׳

    ומולדותיך ביום הולדת אתך לא כרת שרך ובמים לא רחצת למשעי והמלח לא המלחת והחתל לא חתלת׃

  24. יְחֶזְקֵאל ט״ז:ה׳

    לא חסה עליך עין לעשות לך אחת מאלה לחמלה עליך ותשלכי אל פני השדה בגעל נפשך ביום הלדת אתך׃

  25. יְחֶזְקֵאל ט״ז:ו׳

    ואעבר עליך ואראך מתבוססת בדמיך ואמר לך בדמיך חיי ואמר לך בדמיך חיי׃