פסוקים על Death

אדם ביקר ולא יבין נמשל כבהמות נדמו׃

כי קנאתי בהוללים שלום רשעים אראה׃

כי אין חרצבות למותם ובריא אולם׃

עד אבוא אל מקדשי אל אבינה לאחריתם׃

אך בחלקות תשית למו הפלתם למשואות׃

איך היו לשמה כרגע ספו תמו מן בלהות׃

כחלום מהקיץ אדני בעיר צלמם תבזה׃

עיני דאבה מני עני קראתיך יהוה בכל יום שטחתי אליך כפי׃

הלמתים תעשה פלא אם רפאים יקומו יודוך סלה׃

היספר בקבר חסדך אמונתך באבדון׃

היודע בחשך פלאך וצדקתך בארץ נשיה׃

ואני אליך יהוה שועתי ובבקר תפלתי תקדמך׃

למה יהוה תזנח נפשי תסתיר פניך ממני׃

כי הוא ידע יצרנו זכור כי עפר אנחנו׃

אנוש כחציר ימיו כציץ השדה כן יציץ׃

כי רוח עברה בו ואיננו ולא יכירנו עוד מקומו׃

עוונותיו ילכדנו את הרשע ובחבלי חטאתו יתמך׃

הוא ימות באין מוסר וברב אולתו ישגה׃

החכם עיניו בראשו והכסיל בחשך הולך וידעתי גם אני שמקרה אחד יקרה את כלם׃

ואמרתי אני בלבי כמקרה הכסיל גם אני יקרני ולמה חכמתי אני אז יותר ודברתי בלבי שגם זה הבל׃

כי אין זכרון לחכם עם הכסיל לעולם בשכבר הימים הבאים הכל נשכח ואיך ימות החכם עם הכסיל׃

ושנאתי את החיים כי רע עלי המעשה שנעשה תחת השמש כי הכל הבל ורעות רוח׃

ושנאתי אני את כל עמלי שאני עמל תחת השמש שאניחנו לאדם שיהיה אחרי׃

כי מקרה בני האדם ומקרה הבהמה ומקרה אחד להם כמות זה כן מות זה ורוח אחד לכל ומותר האדם מן הבהמה אין כי הכל הבל׃

הכל הולך אל מקום אחד הכל היה מן העפר והכל שב אל העפר׃