פסוקים על Death

ויאמר לו חלילה לא תמות הנה לו עשה אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת׃

וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך כי כפשע ביני ובין המות׃

יען רך לבבך ותכנע מפני יהוה בשמעך אשר דברתי על המקום הזה ועל ישביו להיות לשמה ולקללה ותקרע את בגדיך ותבכה לפני וגם אנכי שמעתי נאם יהוה׃

לכן הנני אספך על אבתיך ונאספת אל קברתיך בשלום ולא תראינה עיניך בכל הרעה אשר אני מביא על המקום הזה וישיבו את המלך דבר׃

יחד אסירים שאננו לא שמעו קול נגש׃

קטן וגדול שם הוא ועבד חפשי מאדניו׃

לא תשורני עין ראי עיניך בי ואינני׃

כלה ענן וילך כן יורד שאול לא יעלה׃

לא ישוב עוד לביתו ולא יכירנו עוד מקמו׃

בטרם אלך ולא אשוב אל ארץ חשך וצלמות׃

ארץ עפתה כמו אפל צלמות ולא סדרים ותפע כמו אפל׃

כי יש לעץ תקוה אם יכרת ועוד יחליף וינקתו לא תחדל׃

אם יזקין בארץ שרשו ובעפר ימות גזעו׃

מריח מים יפרח ועשה קציר כמו נטע׃

וגבר ימות ויחלש ויגוע אדם ואיו׃

אזלו מים מני ים ונהר יחרב ויבש׃

ואיש שכב ולא יקום עד בלתי שמים לא יקיצו ולא יערו משנתם׃

אבנים שחקו מים תשטף ספיחיה עפר ארץ ותקות אנוש האבדת׃

תתקפהו לנצח ויהלך משנה פניו ותשלחהו׃

יכבדו בניו ולא ידע ויצערו ולא יבין למו׃

אם אקוה שאול ביתי בחשך רפדתי יצועי׃

לשחת קראתי אבי אתה אמי ואחתי לרמה׃

הזאת ידעת מני עד מני שים אדם עלי ארץ׃

כי רננת רשעים מקרוב ושמחת חנף עדי רגע׃

כמה נר רשעים ידעך ויבא עלימו אידם חבלים יחלק באפו׃