פסוקים על Death: Of the wicked

הזאת ידעת מני עד מני שים אדם עלי ארץ׃

כי רננת רשעים מקרוב ושמחת חנף עדי רגע׃

כמה נר רשעים ידעך ויבא עלימו אידם חבלים יחלק באפו׃

יהיו כתבן לפני רוח וכמץ גנבתו סופה׃

זה ימות בעצם תמו כלו שלאנן ושליו׃

עטיניו מלאו חלב ומח עצמותיו ישקה׃

וזה ימות בנפש מרה ולא אכל בטובה׃

יחד על עפר ישכבו ורמה תכסה עליהם׃

עשיר ישכב ולא יאסף עיניו פקח ואיננו׃

תשיגהו כמים בלהות לילה גנבתו סופה׃

ישאהו קדים וילך וישערהו ממקמו׃

וישלך עליו ולא יחמל מידו ברוח יברח׃

ישפק עלימו כפימו וישרק עליו ממקמו׃

¶ לדוד אל תתחר במרעים אל תקנא בעשי עולה׃

כי כחציר מהרה ימלו וכירק דשא יבולון׃

כי מרעים יכרתון וקוי יהוה המה יירשו ארץ׃

ועוד מעט ואין רשע והתבוננת על מקומו ואיננו׃

ראיתי רשע עריץ ומתערה כאזרח רענן׃

ויעבר והנה איננו ואבקשהו ולא נמצא׃

ויחי עוד לנצח לא יראה השחת׃

כי יראה חכמים ימותו יחד כסיל ובער יאבדו ועזבו לאחרים חילם׃

תבוא עד דור אבותיו עד נצח לא יראו אור׃

אדם ביקר ולא יבין נמשל כבהמות נדמו׃

כי קנאתי בהוללים שלום רשעים אראה׃

כי אין חרצבות למותם ובריא אולם׃