פסוקים על Death

יהיו כתבן לפני רוח וכמץ גנבתו סופה׃

זה ימות בעצם תמו כלו שלאנן ושליו׃

עטיניו מלאו חלב ומח עצמותיו ישקה׃

וזה ימות בנפש מרה ולא אכל בטובה׃

יחד על עפר ישכבו ורמה תכסה עליהם׃

והוא לקברות יובל ועל גדיש ישקוד׃

מתקו לו רגבי נחל ואחריו כל אדם ימשוך ולפניו אין מספר׃

עשיר ישכב ולא יאסף עיניו פקח ואיננו׃

תשיגהו כמים בלהות לילה גנבתו סופה׃

ישאהו קדים וילך וישערהו ממקמו׃

וישלך עליו ולא יחמל מידו ברוח יברח׃

ישפק עלימו כפימו וישרק עליו ממקמו׃

אם ישים אליו לבו רוחו ונשמתו אליו יאסף׃

יגוע כל בשר יחד ואדם על עפר ישוב׃

כי חמה פן יסיתך בספק ורב כפר אל יטך׃

היערך שועך לא בצר וכל מאמצי כח׃

¶ לדוד אל תתחר במרעים אל תקנא בעשי עולה׃

כי כחציר מהרה ימלו וכירק דשא יבולון׃

כי מרעים יכרתון וקוי יהוה המה יירשו ארץ׃

ועוד מעט ואין רשע והתבוננת על מקומו ואיננו׃

ראיתי רשע עריץ ומתערה כאזרח רענן׃

ויעבר והנה איננו ואבקשהו ולא נמצא׃

ויחי עוד לנצח לא יראה השחת׃

כי יראה חכמים ימותו יחד כסיל ובער יאבדו ועזבו לאחרים חילם׃

תבוא עד דור אבותיו עד נצח לא יראו אור׃