פסוקים על Church (2)

אתה תקום תרחם ציון כי עת לחננה כי בא מועד׃

כי רצו עבדיך את אבניה ואת עפרה יחננו׃

כי השקיף ממרום קדשו יהוה משמים אל ארץ הביט׃

לשמע אנקת אסיר לפתח בני תמותה׃

לספר בציון שם יהוה ותהלתו בירושלם׃

¶ שיר המעלות בשוב יהוה את שיבת ציון היינו כחלמים׃

אז ימלא שחוק פינו ולשוננו רנה אז יאמרו בגוים הגדיל יהוה לעשות עם אלה׃

יברכך יהוה מציון וראה בטוב ירושלם כל ימי חייך׃

וראה בנים לבניך שלום על ישראל׃

כי בחר יהוה בציון אוה למושב לו׃

זאת מנוחתי עדי עד פה אשב כי אותיה׃

צידה ברך אברך אביוניה אשביע לחם׃

וכהניה אלביש ישע וחסידיה רנן ירננו׃

¶ שיר המעלות לדוד הנה מה טוב ומה נעים שבת אחים גם יחד׃

כשמן הטוב על הראש ירד על הזקן זקן אהרן שירד על פי מדותיו׃

כטל חרמון שירד על הררי ציון כי שם צוה יהוה את הברכה חיים עד העולם׃

¶ שיר המעלות הנה ברכו את יהוה כל עבדי יהוה העמדים בבית יהוה בלילות׃

שאו ידכם קדש וברכו את יהוה׃

יברכך יהוה מציון עשה שמים וארץ׃

¶ על נהרות בבל שם ישבנו גם בכינו בזכרנו את ציון׃

על ערבים בתוכה תלינו כנרותינו׃

כי שם שאלונו שובינו דברי שיר ותוללינו שמחה שירו לנו משיר ציון׃

איך נשיר את שיר יהוה על אדמת נכר׃

אם אשכחך ירושלם תשכח ימיני׃

תדבק לשוני לחכי אם לא אזכרכי אם לא אעלה את ירושלם על ראש שמחתי׃