פסוקים על Church (2): Love for

יברכך יהוה מציון וראה בטוב ירושלם כל ימי חייך׃

וראה בנים לבניך שלום על ישראל׃

¶ על נהרות בבל שם ישבנו גם בכינו בזכרנו את ציון׃

על ערבים בתוכה תלינו כנרותינו׃

כי שם שאלונו שובינו דברי שיר ותוללינו שמחה שירו לנו משיר ציון׃

איך נשיר את שיר יהוה על אדמת נכר׃

אם אשכחך ירושלם תשכח ימיני׃

תדבק לשוני לחכי אם לא אזכרכי אם לא אעלה את ירושלם על ראש שמחתי׃

על חומתיך ירושלם הפקדתי שמרים כל היום וכל הלילה תמיד לא יחשו המזכרים את יהוה אל דמי לכם׃

ואל תתנו דמי לו עד יכונן ועד ישים את ירושלם תהלה בארץ׃

כאיש אשר אמו תנחמנו כן אנכי אנחמכם ובירושלם תנחמו׃

וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו׃

פלטים מחרב הלכו אל תעמדו זכרו מרחוק את יהוה וירושלם תעלה על לבבכם׃

בשנו כי שמענו חרפה כסתה כלמה פנינו כי באו זרים על מקדשי בית יהוה׃

פלגי מים תרד עיני על שבר בת עמי׃

עיני נגרה ולא תדמה מאין הפגות׃

עד ישקיף וירא יהוה משמים׃

עיני עוללה לנפשי מכל בנות עירי׃