פסוקים על Church (2)

158 פסוקים · 7 היבטים

פסוקי מפתח

סינון לפי ספר
  1. יְשַׁעְיָהוּ ד׳:ב׳

    ביום ההוא יהיה צמח יהוה לצבי ולכבוד ופרי הארץ לגאון ולתפארת לפליטת ישראל׃

  2. יְשַׁעְיָהוּ ד׳:ג׳

    והיה הנשאר בציון והנותר בירושלם קדוש יאמר לו כל הכתוב לחיים בירושלם׃

  3. יְשַׁעְיָהוּ ד׳:ד׳

    אם רחץ אדני את צאת בנות ציון ואת דמי ירושלם ידיח מקרבה ברוח משפט וברוח בער׃

  4. יְשַׁעְיָהוּ ד׳:ה׳

    וברא יהוה על כל מכון הר ציון ועל מקראה ענן יומם ועשן ונגה אש להבה לילה כי על כל כבוד חפה׃

  5. יְשַׁעְיָהוּ ד׳:ו׳

    וסכה תהיה לצל יומם מחרב ולמחסה ולמסתור מזרם וממטר׃

  6. יְשַׁעְיָהוּ כ״ז:ב׳

    ביום ההוא כרם חמד ענו לה׃

  7. יְשַׁעְיָהוּ כ״ז:ג׳

    אני יהוה נצרה לרגעים אשקנה פן יפקד עליה לילה ויום אצרנה׃

  8. יְשַׁעְיָהוּ ל״א:ד׳

    כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃

  9. יְשַׁעְיָהוּ ל״א:ה׳

    כצפרים עפות כן יגן יהוה צבאות על ירושלם גנון והציל פסח והמליט׃

  10. יְשַׁעְיָהוּ ל״ג:כ׳

    חזה ציון קרית מועדנו עיניך תראינה ירושלם נוה שאנן אהל בל יצען בל יסע יתדתיו לנצח וכל חבליו בל ינתקו׃

  11. יְשַׁעְיָהוּ ל״ג:כ״א

    כי אם שם אדיר יהוה לנו מקום נהרים יארים רחבי ידים בל תלך בו אני שיט וצי אדיר לא יעברנו׃

  12. יְשַׁעְיָהוּ ל״ג:כ״ב

    כי יהוה שפטנו יהוה מחקקנו יהוה מלכנו הוא יושיענו׃

  13. יְשַׁעְיָהוּ ל״ג:כ״ג

    נטשו חבליך בל יחזקו כן תרנם בל פרשו נס אז חלק עד שלל מרבה פסחים בזזו בז׃

  14. יְשַׁעְיָהוּ ל״ג:כ״ד

    ובל יאמר שכן חליתי העם הישב בה נשא עון׃

  15. יְשַׁעְיָהוּ ל״ה:א׳

    ¶ יששום מדבר וציה ותגל ערבה ותפרח כחבצלת׃

  16. יְשַׁעְיָהוּ ל״ה:ב׳

    פרח תפרח ותגל אף גילת ורנן כבוד הלבנון נתן לה הדר הכרמל והשרון המה יראו כבוד יהוה הדר אלהינו׃

  17. יְשַׁעְיָהוּ ל״ה:ג׳

    חזקו ידים רפות וברכים כשלות אמצו׃

  18. יְשַׁעְיָהוּ ל״ה:ד׳

    אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישעכם׃

  19. יְשַׁעְיָהוּ ל״ה:ה׳

    אז תפקחנה עיני עורים ואזני חרשים תפתחנה׃

  20. יְשַׁעְיָהוּ ל״ה:ו׳

    אז ידלג כאיל פסח ותרן לשון אלם כי נבקעו במדבר מים ונחלים בערבה׃

  21. יְשַׁעְיָהוּ ל״ה:ז׳

    והיה השרב לאגם וצמאון למבועי מים בנוה תנים רבצה חציר לקנה וגמא׃

  22. יְשַׁעְיָהוּ ל״ה:ח׳

    והיה שם מסלול ודרך ודרך הקדש יקרא לה לא יעברנו טמא והוא למו הלך דרך ואוילים לא יתעו׃

  23. יְשַׁעְיָהוּ ל״ה:ט׳

    לא יהיה שם אריה ופריץ חיות בל יעלנה לא תמצא שם והלכו גאולים׃

  24. יְשַׁעְיָהוּ ל״ה:י׳

    ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃

  25. יְשַׁעְיָהוּ מ׳:ט׳

    על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃