פסוקים על Church (2)

158 פסוקים · 7 היבטים

פסוקי מפתח

סינון לפי ספר
  1. יְשַׁעְיָהוּ ס׳:ה׳

    אז תראי ונהרת ופחד ורחב לבבך כי יהפך עליך המון ים חיל גוים יבאו לך׃

  2. יְשַׁעְיָהוּ ס׳:ו׳

    שפעת גמלים תכסך בכרי מדין ועיפה כלם משבא יבאו זהב ולבונה ישאו ותהלת יהוה יבשרו׃

  3. יְשַׁעְיָהוּ ס׳:י״ט

    לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃

  4. יְשַׁעְיָהוּ ס׳:כ׳

    לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך׃

  5. יְשַׁעְיָהוּ ס׳:כ״א

    ועמך כלם צדיקים לעולם יירשו ארץ נצר מטעו מעשה ידי להתפאר׃

  6. יְשַׁעְיָהוּ ס״א:א׳

    ¶ רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃

  7. יְשַׁעְיָהוּ ס״א:ב׳

    לקרא שנת רצון ליהוה ויום נקם לאלהינו לנחם כל אבלים׃

  8. יְשַׁעְיָהוּ ס״א:ג׳

    לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

  9. יְשַׁעְיָהוּ ס״ב:ו׳

    על חומתיך ירושלם הפקדתי שמרים כל היום וכל הלילה תמיד לא יחשו המזכרים את יהוה אל דמי לכם׃

  10. יְשַׁעְיָהוּ ס״ב:ז׳

    ואל תתנו דמי לו עד יכונן ועד ישים את ירושלם תהלה בארץ׃

  11. יְשַׁעְיָהוּ ס״ב:י״א

    הנה יהוה השמיע אל קצה הארץ אמרו לבת ציון הנה ישעך בא הנה שכרו אתו ופעלתו לפניו׃

  12. יְשַׁעְיָהוּ ס״ב:י״ב

    וקראו להם עם הקדש גאולי יהוה ולך יקרא דרושה עיר לא נעזבה׃

  13. יְשַׁעְיָהוּ ס״ו:י״ג

    כאיש אשר אמו תנחמנו כן אנכי אנחמכם ובירושלם תנחמו׃

  14. יְשַׁעְיָהוּ ס״ו:י״ד

    וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו׃

  15. יִרְמְיָהוּ ג׳:י״ד

    שובו בנים שובבים נאם יהוה כי אנכי בעלתי בכם ולקחתי אתכם אחד מעיר ושנים ממשפחה והבאתי אתכם ציון׃

  16. יִרְמְיָהוּ ג׳:ט״ו

    ונתתי לכם רעים כלבי ורעו אתכם דעה והשכיל׃

  17. יִרְמְיָהוּ ל״א:ו׳

    כי יש יום קראו נצרים בהר אפרים קומו ונעלה ציון אל יהוה אלהינו׃

  18. יִרְמְיָהוּ ל״א:ז׳

    כי כה אמר יהוה רנו ליעקב שמחה וצהלו בראש הגוים השמיעו הללו ואמרו הושע יהוה את עמך את שארית ישראל׃

  19. יִרְמְיָהוּ נ״א:נ׳

    פלטים מחרב הלכו אל תעמדו זכרו מרחוק את יהוה וירושלם תעלה על לבבכם׃

  20. יִרְמְיָהוּ נ״א:נ״א

    בשנו כי שמענו חרפה כסתה כלמה פנינו כי באו זרים על מקדשי בית יהוה׃

  21. אֵיכָה ג׳:מ״ח

    פלגי מים תרד עיני על שבר בת עמי׃

  22. אֵיכָה ג׳:מ״ט

    עיני נגרה ולא תדמה מאין הפגות׃

  23. אֵיכָה ג׳:נ׳

    עד ישקיף וירא יהוה משמים׃

  24. אֵיכָה ג׳:נ״א

    עיני עוללה לנפשי מכל בנות עירי׃

  25. יוֹאֵל ב׳:ט״ו

    תקעו שופר בציון קדשו צום קראו עצרה׃