פסוקים על Armies

207 פסוקים · 77 היבטים

פסוקי מפתח

סינון לפי ספר
  1. 2 שְׁמוּאֵל י׳:ט״ו

    וירא ארם כי נגף לפני ישראל ויאספו יחד׃

  2. 2 שְׁמוּאֵל י׳:ט״ז

    וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהם׃

  3. 2 שְׁמוּאֵל י״ח:א׳

    ¶ ויפקד דוד את העם אשר אתו וישם עליהם שרי אלפים ושרי מאות׃

  4. 2 שְׁמוּאֵל י״ח:ב׳

    וישלח דוד את העם השלשית ביד יואב והשלשית ביד אבישי בן צרויה אחי יואב והשלשת ביד אתי הגתי ויאמר המלך אל העם יצא אצא גם אני עמכם׃

  5. 2 שְׁמוּאֵל כ״א:ט״ו

    ותהי עוד מלחמה לפלשתים את ישראל וירד דוד ועבדיו עמו וילחמו את פלשתים ויעף דוד׃

  6. 2 שְׁמוּאֵל כ״א:ט״ז

    וישבו בנב אשר בילידי הרפה ומשקל קינו שלש מאות משקל נחשת והוא חגור חדשה ויאמר להכות את דוד׃

  7. 2 שְׁמוּאֵל כ״א:י״ז

    ויעזר לו אבישי בן צרויה ויך את הפלשתי וימיתהו אז נשבעו אנשי דוד לו לאמר לא תצא עוד אתנו למלחמה ולא תכבה את נר ישראל׃

  8. 2 שְׁמוּאֵל כ״א:י״ח

    ויהי אחרי כן ותהי עוד המלחמה בגוב עם פלשתים אז הכה סבכי החשתי את סף אשר בילדי הרפה׃

  9. 2 שְׁמוּאֵל כ״א:י״ט

    ותהי עוד המלחמה בגוב עם פלשתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים׃

  10. 2 שְׁמוּאֵל כ״א:כ׳

    ותהי עוד מלחמה בגת ויהי איש מדין ואצבעת ידיו ואצבעות רגליו שש ושש עשרים וארבע מספר וגם הוא ילד להרפה׃

  11. 2 שְׁמוּאֵל כ״א:כ״א

    ויחרף את ישראל ויכהו יהונתן בן שמעי אחי דוד׃

  12. 2 שְׁמוּאֵל כ״א:כ״ב

    את ארבעת אלה ילדו להרפה בגת ויפלו ביד דוד וביד עבדיו׃

  13. 2 שְׁמוּאֵל כ״ד:א׳

    ¶ ויסף אף יהוה לחרות בישראל ויסת את דוד בהם לאמר לך מנה את ישראל ואת יהודה׃

  14. 2 שְׁמוּאֵל כ״ד:ב׳

    ויאמר המלך אל יואב שר החיל אשר אתו שוט נא בכל שבטי ישראל מדן ועד באר שבע ופקדו את העם וידעתי את מספר העם׃

  15. 2 שְׁמוּאֵל כ״ד:ג׳

    ויאמר יואב אל המלך ויוסף יהוה אלהיך אל העם כהם וכהם מאה פעמים ועיני אדני המלך ראות ואדני המלך למה חפץ בדבר הזה׃

  16. 2 שְׁמוּאֵל כ״ד:ד׳

    ויחזק דבר המלך אל יואב ועל שרי החיל ויצא יואב ושרי החיל לפני המלך לפקד את העם את ישראל׃

  17. 2 שְׁמוּאֵל כ״ד:ה׳

    ויעברו את הירדן ויחנו בערוער ימין העיר אשר בתוך הנחל הגד ואל יעזר׃

  18. 2 שְׁמוּאֵל כ״ד:ו׳

    ויבאו הגלעדה ואל ארץ תחתים חדשי ויבאו דנה יען וסביב אל צידון׃

  19. 2 שְׁמוּאֵל כ״ד:ז׳

    ויבאו מבצר צר וכל ערי החוי והכנעני ויצאו אל נגב יהודה באר שבע׃

  20. 2 שְׁמוּאֵל כ״ד:ח׳

    וישטו בכל הארץ ויבאו מקצה תשעה חדשים ועשרים יום ירושלם׃

  21. 2 שְׁמוּאֵל כ״ד:ט׳

    ויתן יואב את מספר מפקד העם אל המלך ותהי ישראל שמנה מאות אלף איש חיל שלף חרב ואיש יהודה חמש מאות אלף איש׃

  22. 1 מְלָכִים כ״ב:א׳

    ¶ וישבו שלש שנים אין מלחמה בין ארם ובין ישראל׃

  23. 1 מְלָכִים כ״ב:ב׳

    ויהי בשנה השלישית וירד יהושפט מלך יהודה אל מלך ישראל׃

  24. 1 מְלָכִים כ״ב:ג׳

    ויאמר מלך ישראל אל עבדיו הידעתם כי לנו רמת גלעד ואנחנו מחשים מקחת אתה מיד מלך ארם׃

  25. 1 מְלָכִים כ״ב:ד׳

    ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיך׃