פסוקים על Armies

207 פסוקים · 77 היבטים

פסוקי מפתח

סינון לפי ספר
  1. 1 שְׁמוּאֵל י״ז:מ״א

    וילך הפלשתי הלך וקרב אל דוד והאיש נשא הצנה לפניו׃

  2. 1 שְׁמוּאֵל י״ז:מ״ב

    ויבט הפלשתי ויראה את דוד ויבזהו כי היה נער ואדמני עם יפה מראה׃

  3. 1 שְׁמוּאֵל י״ז:מ״ג

    ויאמר הפלשתי אל דוד הכלב אנכי כי אתה בא אלי במקלות ויקלל הפלשתי את דוד באלהיו׃

  4. 1 שְׁמוּאֵל י״ז:מ״ד

    ויאמר הפלשתי אל דוד לכה אלי ואתנה את בשרך לעוף השמים ולבהמת השדה׃

  5. 1 שְׁמוּאֵל י״ז:מ״ה

    ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפת׃

  6. 1 שְׁמוּאֵל י״ז:מ״ו

    היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃

  7. 1 שְׁמוּאֵל י״ז:מ״ז

    וידעו כל הקהל הזה כי לא בחרב ובחנית יהושיע יהוה כי ליהוה המלחמה ונתן אתכם בידנו׃

  8. 1 שְׁמוּאֵל י״ז:מ״ח

    והיה כי קם הפלשתי וילך ויקרב לקראת דוד וימהר דוד וירץ המערכה לקראת הפלשתי׃

  9. 1 שְׁמוּאֵל י״ז:מ״ט

    וישלח דוד את ידו אל הכלי ויקח משם אבן ויקלע ויך את הפלשתי אל מצחו ותטבע האבן במצחו ויפל על פניו ארצה׃

  10. 1 שְׁמוּאֵל י״ז:נ׳

    ויחזק דוד מן הפלשתי בקלע ובאבן ויך את הפלשתי וימיתהו וחרב אין ביד דוד׃

  11. 1 שְׁמוּאֵל י״ז:נ״א

    וירץ דוד ויעמד אל הפלשתי ויקח את חרבו וישלפה מתערה וימתתהו ויכרת בה את ראשו ויראו הפלשתים כי מת גבורם וינסו׃

  12. 1 שְׁמוּאֵל י״ז:נ״ב

    ויקמו אנשי ישראל ויהודה וירעו וירדפו את הפלשתים עד בואך גיא ועד שערי עקרון ויפלו חללי פלשתים בדרך שערים ועד גת ועד עקרון׃

  13. 1 שְׁמוּאֵל י״ז:נ״ג

    וישבו בני ישראל מדלק אחרי פלשתים וישסו את מחניהם׃

  14. 1 שְׁמוּאֵל כ״ב:א׳

    ¶ וילך דוד משם וימלט אל מערת עדלם וישמעו אחיו וכל בית אביו וירדו אליו שמה׃

  15. 1 שְׁמוּאֵל כ״ב:ב׳

    ויתקבצו אליו כל איש מצוק וכל איש אשר לו נשא וכל איש מר נפש ויהי עליהם לשר ויהיו עמו כארבע מאות איש׃

  16. 1 שְׁמוּאֵל ל״א:ד׳

    ויאמר שאול לנשא כליו שלף חרבך ודקרני בה פן יבואו הערלים האלה ודקרני והתעללו בי ולא אבה נשא כליו כי ירא מאד ויקח שאול את החרב ויפל עליה׃

  17. 1 שְׁמוּאֵל ל״א:ה׳

    וירא נשא כליו כי מת שאול ויפל גם הוא על חרבו וימת עמו׃

  18. 1 שְׁמוּאֵל ל״א:ו׳

    וימת שאול ושלשת בניו ונשא כליו גם כל אנשיו ביום ההוא יחדו׃

  19. 2 שְׁמוּאֵל ב׳:ח׳

    ואבנר בן נר שר צבא אשר לשאול לקח את איש בשת בן שאול ויעברהו מחנים׃

  20. 2 שְׁמוּאֵל ב׳:ט׳

    וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלה׃

  21. 2 שְׁמוּאֵל ב׳:י׳

    בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דוד׃

  22. 2 שְׁמוּאֵל ב׳:י״ד

    ויאמר אבנר אל יואב יקומו נא הנערים וישחקו לפנינו ויאמר יואב יקמו׃

  23. 2 שְׁמוּאֵל ב׳:ט״ו

    ויקמו ויעברו במספר שנים עשר לבנימן ולאיש בשת בן שאול ושנים עשר מעבדי דוד׃

  24. 2 שְׁמוּאֵל ב׳:ט״ז

    ויחזקו איש בראש רעהו וחרבו בצד רעהו ויפלו יחדו ויקרא למקום ההוא חלקת הצרים אשר בגבעון׃

  25. 2 שְׁמוּאֵל ב׳:י״ז

    ותהי המלחמה קשה עד מאד ביום ההוא וינגף אבנר ואנשי ישראל לפני עבדי דוד׃