פסוקים על Armies: Standing armies

13 פסוקים · 77 היבטים

פסוקים על Standing armies

  1. 2 דִּבְרֵי הַיָּמִים י״ז:י״ב

    ויהי יהושפט הלך וגדל עד למעלה ויבן ביהודה בירניות וערי מסכנות׃

  2. 2 דִּבְרֵי הַיָּמִים י״ז:י״ג

    ומלאכה רבה היה לו בערי יהודה ואנשי מלחמה גבורי חיל בירושלם׃

  3. 2 דִּבְרֵי הַיָּמִים י״ז:י״ד

    ואלה פקדתם לבית אבותיהם ליהודה שרי אלפים עדנה השר ועמו גבורי חיל שלש מאות אלף׃

  4. 2 דִּבְרֵי הַיָּמִים י״ז:ט״ו

    ועל ידו יהוחנן השר ועמו מאתים ושמונים אלף׃

  5. 2 דִּבְרֵי הַיָּמִים י״ז:ט״ז

    ועל ידו עמסיה בן זכרי המתנדב ליהוה ועמו מאתים אלף גבור חיל׃

  6. 2 דִּבְרֵי הַיָּמִים י״ז:י״ז

    ומן בנימן גבור חיל אלידע ועמו נשקי קשת ומגן מאתים אלף׃

  7. 2 דִּבְרֵי הַיָּמִים י״ז:י״ח

    ועל ידו יהוזבד ועמו מאה ושמונים אלף חלוצי צבא׃

  8. 2 דִּבְרֵי הַיָּמִים י״ז:י״ט

    אלה המשרתים את המלך מלבד אשר נתן המלך בערי המבצר בכל יהודה׃

  9. 2 דִּבְרֵי הַיָּמִים כ״ו:י״א

    ויהי לעזיהו חיל עשה מלחמה יוצאי צבא לגדוד במספר פקדתם ביד יעואל הסופר ומעשיהו השוטר על יד חנניהו משרי המלך׃

  10. 2 דִּבְרֵי הַיָּמִים כ״ו:י״ב

    כל מספר ראשי האבות לגבורי חיל אלפים ושש מאות׃

  11. 2 דִּבְרֵי הַיָּמִים כ״ו:י״ג

    ועל ידם חיל צבא שלש מאות אלף ושבעת אלפים וחמש מאות עושי מלחמה בכח חיל לעזר למלך על האויב׃

  12. 2 דִּבְרֵי הַיָּמִים כ״ו:י״ד

    ויכן להם עזיהו לכל הצבא מגנים ורמחים וכובעים ושרינות וקשתות ולאבני קלעים׃

  13. 2 דִּבְרֵי הַיָּמִים כ״ו:ט״ו

    ויעש בירושלם חשבנות מחשבת חושב להיות על המגדלים ועל הפנות לירוא בחצים ובאבנים גדלות ויצא שמו עד למרחוק כי הפליא להעזר עד כי חזק׃