פסוקים על Armies: Determine royal succession

12 פסוקים · 77 היבטים

פסוקים על Determine royal succession

  1. 2 שְׁמוּאֵל ב׳:ח׳

    ואבנר בן נר שר צבא אשר לשאול לקח את איש בשת בן שאול ויעברהו מחנים׃

  2. 2 שְׁמוּאֵל ב׳:ט׳

    וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלה׃

  3. 2 שְׁמוּאֵל ב׳:י׳

    בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דוד׃

  4. 2 מְלָכִים י״א:ד׳

    ובשנה השביעית שלח יהוידע ויקח את שרי המאיות לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלך׃

  5. 2 מְלָכִים י״א:ה׳

    ויצום לאמר זה הדבר אשר תעשון השלשית מכם באי השבת ושמרי משמרת בית המלך׃

  6. 2 מְלָכִים י״א:ו׳

    והשלשית בשער סור והשלשית בשער אחר הרצים ושמרתם את משמרת הבית מסח׃

  7. 2 מְלָכִים י״א:ז׳

    ושתי הידות בכם כל יצאי השבת ושמרו את משמרת בית יהוה אל המלך׃

  8. 2 מְלָכִים י״א:ח׳

    והקפתם על המלך סביב איש וכליו בידו והבא אל השדרות יומת והיו את המלך בצאתו ובבאו׃

  9. 2 מְלָכִים י״א:ט׳

    ויעשו שרי המאיות ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהן׃

  10. 2 מְלָכִים י״א:י׳

    ויתן הכהן לשרי המאיות את החנית ואת השלטים אשר למלך דוד אשר בבית יהוה׃

  11. 2 מְלָכִים י״א:י״א

    ויעמדו הרצים איש וכליו בידו מכתף הבית הימנית עד כתף הבית השמאלית למזבח ולבית על המלך סביב׃

  12. 2 מְלָכִים י״א:י״ב

    ויוצא את בן המלך ויתן עליו את הנזר ואת העדות וימלכו אתו וימשחהו ויכו כף ויאמרו יחי המלך׃