פסוקים על Armies

207 פסוקים · 77 היבטים

פסוקי מפתח

2 מְלָכִים י״א:ד׳
ובשנה השביעית שלח יהוידע ויקח את שרי המאיות לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלך׃
2 מְלָכִים י״א:ה׳
ויצום לאמר זה הדבר אשר תעשון השלשית מכם באי השבת ושמרי משמרת בית המלך׃
2 מְלָכִים י״א:ו׳
והשלשית בשער סור והשלשית בשער אחר הרצים ושמרתם את משמרת הבית מסח׃
2 מְלָכִים י״א:ז׳
ושתי הידות בכם כל יצאי השבת ושמרו את משמרת בית יהוה אל המלך׃
2 מְלָכִים י״א:ח׳
והקפתם על המלך סביב איש וכליו בידו והבא אל השדרות יומת והיו את המלך בצאתו ובבאו׃
2 מְלָכִים י״א:ט׳
ויעשו שרי המאיות ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהן׃
2 מְלָכִים י״א:י׳
ויתן הכהן לשרי המאיות את החנית ואת השלטים אשר למלך דוד אשר בבית יהוה׃
2 מְלָכִים י״א:י״א
ויעמדו הרצים איש וכליו בידו מכתף הבית הימנית עד כתף הבית השמאלית למזבח ולבית על המלך סביב׃
2 מְלָכִים י״א:י״ב
ויוצא את בן המלך ויתן עליו את הנזר ואת העדות וימלכו אתו וימשחהו ויכו כף ויאמרו יחי המלך׃
2 מְלָכִים י״ח:י״ט
ויאמר אלהם רב שקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחת׃
2 מְלָכִים י״ח:כ׳
אמרת אך דבר שפתים עצה וגבורה למלחמה עתה על מי בטחת כי מרדת בי׃
2 מְלָכִים י״ח:כ״א
עתה הנה בטחת לך על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו׃
1 דִּבְרֵי הַיָּמִים י״ט:ו׳
ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים׃
1 דִּבְרֵי הַיָּמִים י״ט:ז׳
וישכרו להם שנים ושלשים אלף רכב ואת מלך מעכה ואת עמו ויבאו ויחנו לפני מידבא ובני עמון נאספו מעריהם ויבאו למלחמה׃
2 דִּבְרֵי הַיָּמִים ט״ז:ב׳
ויצא אסא כסף וזהב מאצרות בית יהוה ובית המלך וישלח אל בן הדד מלך ארם היושב בדרמשק לאמר׃
2 דִּבְרֵי הַיָּמִים ט״ז:ג׳
ברית ביני ובינך ובין אבי ובין אביך הנה שלחתי לך כסף וזהב לך הפר בריתך את בעשא מלך ישראל ויעלה מעלי׃
2 דִּבְרֵי הַיָּמִים ט״ז:ד׳
וישמע בן הדד אל המלך אסא וישלח את שרי החילים אשר לו אל ערי ישראל ויכו את עיון ואת דן ואת אבל מים ואת כל מסכנות ערי נפתלי׃
2 דִּבְרֵי הַיָּמִים ט״ז:ה׳
ויהי כשמע בעשא ויחדל מבנות את הרמה וישבת את מלאכתו׃
2 דִּבְרֵי הַיָּמִים ט״ז:ו׳
ואסא המלך לקח את כל יהודה וישאו את אבני הרמה ואת עציה אשר בנה בעשא ויבן בהם את גבע ואת המצפה׃
2 דִּבְרֵי הַיָּמִים ט״ז:ז׳
ובעת ההיא בא חנני הראה אל אסא מלך יהודה ויאמר אליו בהשענך על מלך ארם ולא נשענת על יהוה אלהיך על כן נמלט חיל מלך ארם מידך׃
2 דִּבְרֵי הַיָּמִים ט״ז:ח׳
הלא הכושים והלובים היו לחיל לרב לרכב ולפרשים להרבה מאד ובהשענך על יהוה נתנם בידך׃
2 דִּבְרֵי הַיָּמִים ט״ז:ט׳
כי יהוה עיניו משטטות בכל הארץ להתחזק עם לבבם שלם אליו נסכלת על זאת כי מעתה יש עמך מלחמות׃
2 דִּבְרֵי הַיָּמִים י״ז:י״ב
ויהי יהושפט הלך וגדל עד למעלה ויבן ביהודה בירניות וערי מסכנות׃
2 דִּבְרֵי הַיָּמִים י״ז:י״ג
ומלאכה רבה היה לו בערי יהודה ואנשי מלחמה גבורי חיל בירושלם׃
2 דִּבְרֵי הַיָּמִים י״ז:י״ד
ואלה פקדתם לבית אבותיהם ליהודה שרי אלפים עדנה השר ועמו גבורי חיל שלש מאות אלף׃

מציג 126–150 מתוך 207 פסוקים

הקודם 1...4 5 6 7 8 9 הבא