פסוקים על Armies

207 פסוקים · 77 היבטים

פסוקי מפתח

סינון לפי ספר
  1. דְּבָרִים כ׳:ו׳

    ומי האיש אשר נטע כרם ולא חללו ילך וישב לביתו פן ימות במלחמה ואיש אחר יחללנו׃

  2. דְּבָרִים כ׳:ז׳

    ומי האיש אשר ארש אשה ולא לקחה ילך וישב לביתו פן ימות במלחמה ואיש אחר יקחנה׃

  3. דְּבָרִים כ׳:ח׳

    ויספו השטרים לדבר אל העם ואמרו מי האיש הירא ורך הלבב ילך וישב לביתו ולא ימס את לבב אחיו כלבבו׃

  4. דְּבָרִים כ׳:ט׳

    והיה ככלת השטרים לדבר אל העם ופקדו שרי צבאות בראש העם׃

  5. יְהוֹשֻעַ י׳:א׳

    ¶ ויהי כשמע אדני צדק מלך ירושלם כי לכד יהושע את העי ויחרימה כאשר עשה ליריחו ולמלכה כן עשה לעי ולמלכה וכי השלימו ישבי גבעון את ישראל ויהיו בקרבם׃

  6. יְהוֹשֻעַ י׳:ב׳

    וייראו מאד כי עיר גדולה גבעון כאחת ערי הממלכה וכי היא גדולה מן העי וכל אנשיה גברים׃

  7. יְהוֹשֻעַ י׳:ג׳

    וישלח אדני צדק מלך ירושלם אל הוהם מלך חברון ואל פראם מלך ירמות ואל יפיע מלך לכיש ואל דביר מלך עגלון לאמר׃

  8. יְהוֹשֻעַ י׳:ד׳

    עלו אלי ועזרני ונכה את גבעון כי השלימה את יהושע ואת בני ישראל׃

  9. יְהוֹשֻעַ י׳:ה׳

    ויאספו ויעלו חמשת מלכי האמרי מלך ירושלם מלך חברון מלך ירמות מלך לכיש מלך עגלון הם וכל מחניהם ויחנו על גבעון וילחמו עליה׃

  10. יְהוֹשֻעַ י״א:א׳

    ¶ ויהי כשמע יבין מלך חצור וישלח אל יובב מלך מדון ואל מלך שמרון ואל מלך אכשף׃

  11. יְהוֹשֻעַ י״א:ב׳

    ואל המלכים אשר מצפון בהר ובערבה נגב כנרות ובשפלה ובנפות דור מים׃

  12. יְהוֹשֻעַ י״א:ג׳

    הכנעני ממזרח ומים והאמרי והחתי והפרזי והיבוסי בהר והחוי תחת חרמון בארץ המצפה׃

  13. יְהוֹשֻעַ י״א:ד׳

    ויצאו הם וכל מחניהם עמם עם רב כחול אשר על שפת הים לרב וסוס ורכב רב מאד׃

  14. יְהוֹשֻעַ י״א:ה׳

    ויועדו כל המלכים האלה ויבאו ויחנו יחדו אל מי מרום להלחם עם ישראל׃

  15. שֹׁפְטִים ו׳:ג׳

    והיה אם זרע ישראל ועלה מדין ועמלק ובני קדם ועלו עליו׃

  16. שֹׁפְטִים ו׳:ד׳

    ויחנו עליהם וישחיתו את יבול הארץ עד בואך עזה ולא ישאירו מחיה בישראל ושה ושור וחמור׃

  17. שֹׁפְטִים ו׳:ה׳

    כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשחתה׃

  18. 1 שְׁמוּאֵל י״ז:ח׳

    ויעמד ויקרא אל מערכת ישראל ויאמר להם למה תצאו לערך מלחמה הלוא אנכי הפלשתי ואתם עבדים לשאול ברו לכם איש וירד אלי׃

  19. 1 שְׁמוּאֵל י״ז:ט׳

    אם יוכל להלחם אתי והכני והיינו לכם לעבדים ואם אני אוכל לו והכיתיו והייתם לנו לעבדים ועבדתם אתנו׃

  20. 1 שְׁמוּאֵל י״ז:י׳

    ויאמר הפלשתי אני חרפתי את מערכות ישראל היום הזה תנו לי איש ונלחמה יחד׃

  21. 1 שְׁמוּאֵל י״ז:י״א

    וישמע שאול וכל ישראל את דברי הפלשתי האלה ויחתו ויראו מאד׃

  22. 1 שְׁמוּאֵל י״ז:י״ב

    ודוד בן איש אפרתי הזה מבית לחם יהודה ושמו ישי ולו שמנה בנים והאיש בימי שאול זקן בא באנשים׃

  23. 1 שְׁמוּאֵל י״ז:י״ג

    וילכו שלשת בני ישי הגדלים הלכו אחרי שאול למלחמה ושם שלשת בניו אשר הלכו במלחמה אליאב הבכור ומשנהו אבינדב והשלשי שמה׃

  24. 1 שְׁמוּאֵל י״ז:י״ד

    ודוד הוא הקטן ושלשה הגדלים הלכו אחרי שאול׃

  25. 1 שְׁמוּאֵל י״ז:ט״ו

    ודוד הלך ושב מעל שאול לרעות את צאן אביו בית לחם׃