TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ ט׳:א׳בערך תש״מ לפנה״ס
¶ כי לא מועף לאשר מוצק לה כעת הראשון הקל ארצה זבלון וארצה נפתלי והאחרון הכביד דרך הים עבר הירדן גליל הגוים׃
- יְשַׁעְיָהוּ ט׳:ב׳בערך תש״מ לפנה״ס
העם ההלכים בחשך ראו אור גדול ישבי בארץ צלמות אור נגה עליהם׃
- יְשַׁעְיָהוּ ט׳:ג׳בערך תש״מ לפנה״ס
הרבית הגוי לא הגדלת השמחה שמחו לפניך כשמחת בקציר כאשר יגילו בחלקם שלל׃
- יְשַׁעְיָהוּ ט׳:ד׳בערך תש״מ לפנה״ס
כי את על סבלו ואת מטה שכמו שבט הנגש בו החתת כיום מדין׃
- יְשַׁעְיָהוּ ט׳:ה׳בערך תש״מ לפנה״ס
כי כל סאון סאן ברעש ושמלה מגוללה בדמים והיתה לשרפה מאכלת אש׃
- יְשַׁעְיָהוּ ט׳:ו׳בערך תש״מ לפנה״ס
כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃
- יְשַׁעְיָהוּ ט׳:ז׳בערך תש״מ לפנה״ס
למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃
- יְשַׁעְיָהוּ ט׳:ח׳בערך תש״מ לפנה״ס
דבר שלח אדני ביעקב ונפל בישראל׃
- יְשַׁעְיָהוּ ט׳:ט׳בערך תש״מ לפנה״ס
וידעו העם כלו אפרים ויושב שמרון בגאוה ובגדל לבב לאמר׃
- יְשַׁעְיָהוּ ט׳:י׳בערך תש״מ לפנה״ס
לבנים נפלו וגזית נבנה שקמים גדעו וארזים נחליף׃
- יְשַׁעְיָהוּ ט׳:י״אבערך תש״מ לפנה״ס
וישגב יהוה את צרי רצין עליו ואת איביו יסכסך׃
- יְשַׁעְיָהוּ ט׳:י״בבערך תש״מ לפנה״ס
ארם מקדם ופלשתים מאחור ויאכלו את ישראל בכל פה בכל זאת לא שב אפו ועוד ידו נטויה׃
- יְשַׁעְיָהוּ ט׳:י״גבערך תש״מ לפנה״ס
והעם לא שב עד המכהו ואת יהוה צבאות לא דרשו׃
- יְשַׁעְיָהוּ ט׳:י״דבערך תש״מ לפנה״ס
ויכרת יהוה מישראל ראש וזנב כפה ואגמון יום אחד׃
- יְשַׁעְיָהוּ ט׳:ט״ובערך תש״מ לפנה״ס
זקן ונשוא פנים הוא הראש ונביא מורה שקר הוא הזנב׃
- יְשַׁעְיָהוּ ט׳:ט״זבערך תש״מ לפנה״ס
ויהיו מאשרי העם הזה מתעים ומאשריו מבלעים׃
- יְשַׁעְיָהוּ ט׳:י״זבערך תש״מ לפנה״ס
על כן על בחוריו לא ישמח אדני ואת יתמיו ואת אלמנתיו לא ירחם כי כלו חנף ומרע וכל פה דבר נבלה בכל זאת לא שב אפו ועוד ידו נטויה׃
- יְשַׁעְיָהוּ ט׳:י״חבערך תש״מ לפנה״ס
כי בערה כאש רשעה שמיר ושית תאכל ותצת בסבכי היער ויתאבכו גאות עשן׃
- יְשַׁעְיָהוּ ט׳:י״טבערך תש״מ לפנה״ס
בעברת יהוה צבאות נעתם ארץ ויהי העם כמאכלת אש איש אל אחיו לא יחמלו׃
- יְשַׁעְיָהוּ ט׳:כ׳בערך תש״מ לפנה״ס
ויגזר על ימין ורעב ויאכל על שמאול ולא שבעו איש בשר זרעו יאכלו׃
- יְשַׁעְיָהוּ ט׳:כ״אבערך תש״מ לפנה״ס
מנשה את אפרים ואפרים את מנשה יחדו המה על יהודה בכל זאת לא שב אפו ועוד ידו נטויה׃
- יְשַׁעְיָהוּ י׳:א׳בערך תשי״ג לפנה״ס
¶ הוי החקקים חקקי און ומכתבים עמל כתבו׃
- יְשַׁעְיָהוּ י׳:ב׳בערך תשי״ג לפנה״ס
להטות מדין דלים ולגזל משפט עניי עמי להיות אלמנות שללם ואת יתומים יבזו׃
- יְשַׁעְיָהוּ י׳:ג׳בערך תשי״ג לפנה״ס
ומה תעשו ליום פקדה ולשואה ממרחק תבוא על מי תנוסו לעזרה ואנה תעזבו כבודכם׃
- יְשַׁעְיָהוּ י׳:ד׳בערך תשי״ג לפנה״ס
בלתי כרע תחת אסיר ותחת הרוגים יפלו בכל זאת לא שב אפו ועוד ידו נטויה׃