circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְשַׁעְיָהוּ ז׳:כ״גבערך תשמ״א לפנה״ס

    והיה ביום ההוא יהיה כל מקום אשר יהיה שם אלף גפן באלף כסף לשמיר ולשית יהיה׃

  2. יְשַׁעְיָהוּ ז׳:כ״דבערך תשמ״א לפנה״ס

    בחצים ובקשת יבוא שמה כי שמיר ושית תהיה כל הארץ׃

  3. יְשַׁעְיָהוּ ז׳:כ״הבערך תשמ״א לפנה״ס

    וכל ההרים אשר במעדר יעדרון לא תבוא שמה יראת שמיר ושית והיה למשלח שור ולמרמס שה׃

  4. יְשַׁעְיָהוּ ח׳:א׳

    ¶ ויאמר יהוה אלי קח לך גליון גדול וכתב עליו בחרט אנוש למהר שלל חש בז׃

  5. יְשַׁעְיָהוּ ח׳:ב׳

    ואעידה לי עדים נאמנים את אוריה הכהן ואת זכריהו בן יברכיהו׃

  6. יְשַׁעְיָהוּ ח׳:ג׳

    ואקרב אל הנביאה ותהר ותלד בן ויאמר יהוה אלי קרא שמו מהר שלל חש בז׃

  7. יְשַׁעְיָהוּ ח׳:ד׳

    כי בטרם ידע הנער קרא אבי ואמי ישא את חיל דמשק ואת שלל שמרון לפני מלך אשור׃

  8. יְשַׁעְיָהוּ ח׳:ה׳בערך תשמ״א לפנה״ס

    ויסף יהוה דבר אלי עוד לאמר׃

  9. יְשַׁעְיָהוּ ח׳:ו׳בערך תשמ״א לפנה״ס

    יען כי מאס העם הזה את מי השלח ההלכים לאט ומשוש את רצין ובן רמליהו׃

  10. יְשַׁעְיָהוּ ח׳:ז׳בערך תשמ״א לפנה״ס

    ולכן הנה אדני מעלה עליהם את מי הנהר העצומים והרבים את מלך אשור ואת כל כבודו ועלה על כל אפיקיו והלך על כל גדותיו׃

  11. יְשַׁעְיָהוּ ח׳:ח׳בערך תשמ״א לפנה״ס

    וחלף ביהודה שטף ועבר עד צואר יגיע והיה מטות כנפיו מלא רחב ארצך עמנו אל׃

  12. יְשַׁעְיָהוּ ח׳:ט׳בערך תשמ״א לפנה״ס

    רעו עמים וחתו והאזינו כל מרחקי ארץ התאזרו וחתו התאזרו וחתו׃

  13. יְשַׁעְיָהוּ ח׳:י׳בערך תשמ״א לפנה״ס

    עצו עצה ותפר דברו דבר ולא יקום כי עמנו אל׃

  14. יְשַׁעְיָהוּ ח׳:י״אבערך תשמ״א לפנה״ס

    כי כה אמר יהוה אלי בחזקת היד ויסרני מלכת בדרך העם הזה לאמר׃

  15. יְשַׁעְיָהוּ ח׳:י״בבערך תשמ״א לפנה״ס

    לא תאמרון קשר לכל אשר יאמר העם הזה קשר ואת מוראו לא תיראו ולא תעריצו׃

  16. יְשַׁעְיָהוּ ח׳:י״גבערך תשמ״א לפנה״ס

    את יהוה צבאות אתו תקדישו והוא מוראכם והוא מערצכם׃

  17. יְשַׁעְיָהוּ ח׳:י״דבערך תשמ״א לפנה״ס

    והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

  18. יְשַׁעְיָהוּ ח׳:ט״ובערך תשמ״א לפנה״ס

    וכשלו בם רבים ונפלו ונשברו ונוקשו ונלכדו׃

  19. יְשַׁעְיָהוּ ח׳:ט״זבערך תשמ״א לפנה״ס

    צור תעודה חתום תורה בלמדי׃

  20. יְשַׁעְיָהוּ ח׳:י״זבערך תשמ״א לפנה״ס

    וחכיתי ליהוה המסתיר פניו מבית יעקב וקויתי לו׃

  21. יְשַׁעְיָהוּ ח׳:י״חבערך תשמ״א לפנה״ס

    הנה אנכי והילדים אשר נתן לי יהוה לאתות ולמופתים בישראל מעם יהוה צבאות השכן בהר ציון׃

  22. יְשַׁעְיָהוּ ח׳:י״טבערך תשמ״א לפנה״ס

    וכי יאמרו אליכם דרשו אל האבות ואל הידענים המצפצפים והמהגים הלוא עם אל אלהיו ידרש בעד החיים אל המתים׃

  23. יְשַׁעְיָהוּ ח׳:כ׳בערך תשמ״א לפנה״ס

    לתורה ולתעודה אם לא יאמרו כדבר הזה אשר אין לו שחר׃

  24. יְשַׁעְיָהוּ ח׳:כ״אבערך תשמ״א לפנה״ס

    ועבר בה נקשה ורעב והיה כי ירעב והתקצף וקלל במלכו ובאלהיו ופנה למעלה׃

  25. יְשַׁעְיָהוּ ח׳:כ״בבערך תשמ״א לפנה״ס

    ואל ארץ יביט והנה צרה וחשכה מעוף צוקה ואפלה מנדח׃