circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דָּנִיֵּאל ו׳:ו׳בערך תקל״ח לפנה״ס

    אדין סרכיא ואחשדרפניא אלן הרגשו על מלכא וכן אמרין לה דריוש מלכא לעלמין חיי׃

  2. דָּנִיֵּאל ו׳:ז׳בערך תקל״ח לפנה״ס

    אתיעטו כל סרכי מלכותא סגניא ואחשדרפניא הדבריא ופחותא לקימה קים מלכא ולתקפה אסר די כל די יבעה בעו מן כל אלה ואנש עד יומין תלתין להן מנך מלכא יתרמא לגב אריותא׃

  3. דָּנִיֵּאל ו׳:ח׳בערך תקל״ח לפנה״ס

    כען מלכא תקים אסרא ותרשם כתבא די לא להשניה כדת מדי ופרס די לא תעדא׃

  4. דָּנִיֵּאל ו׳:ט׳בערך תקל״ח לפנה״ס

    כל קבל דנה מלכא דריוש רשם כתבא ואסרא׃

  5. דָּנִיֵּאל ו׳:י׳בערך תקל״ח לפנה״ס

    ודניאל כדי ידע די רשים כתבא על לביתה וכוין פתיחן לה בעליתה נגד ירושלם וזמנין תלתה ביומא הוא ברך על ברכוהי ומצלא ומודא קדם אלהה כל קבל די הוא עבד מן קדמת דנה׃

  6. דָּנִיֵּאל ו׳:י״אבערך תקל״ח לפנה״ס

    אדין גבריא אלך הרגשו והשכחו לדניאל בעא ומתחנן קדם אלהה׃

  7. דָּנִיֵּאל ו׳:י״בבערך תקל״ח לפנה״ס

    באדין קריבו ואמרין קדם מלכא על אסר מלכא הלא אסר רשמת די כל אנש די יבעה מן כל אלה ואנש עד יומין תלתין להן מנך מלכא יתרמא לגוב אריותא ענה מלכא ואמר יציבא מלתא כדת מדי ופרס די לא תעדא׃

  8. דָּנִיֵּאל ו׳:י״גבערך תקל״ח לפנה״ס

    באדין ענו ואמרין קדם מלכא די דניאל די מן בני גלותא די יהוד לא שם עליך מלכא טעם ועל אסרא די רשמת וזמנין תלתה ביומא בעא בעותה׃

  9. דָּנִיֵּאל ו׳:י״דבערך תקל״ח לפנה״ס

    אדין מלכא כדי מלתא שמע שגיא באש עלוהי ועל דניאל שם בל לשיזבותה ועד מעלי שמשא הוא משתדר להצלותה׃

  10. דָּנִיֵּאל ו׳:ט״ובערך תקל״ח לפנה״ס

    באדין גבריא אלך הרגשו על מלכא ואמרין למלכא דע מלכא די דת למדי ופרס די כל אסר וקים די מלכא יהקים לא להשניה׃

  11. דָּנִיֵּאל ו׳:ט״זבערך תקל״ח לפנה״ס

    באדין מלכא אמר והיתיו לדניאל ורמו לגבא די אריותא ענה מלכא ואמר לדניאל אלהך די אנתה פלח לה בתדירא הוא ישיזבנך׃

  12. דָּנִיֵּאל ו׳:י״זבערך תקל״ח לפנה״ס

    והיתית אבן חדה ושמת על פם גבא וחתמה מלכא בעזקתה ובעזקת רברבנוהי די לא תשנא צבו בדניאל׃

  13. דָּנִיֵּאל ו׳:י״חבערך תקל״ח לפנה״ס

    אדין אזל מלכא להיכלה ובת טות ודחון לא הנעל קדמוהי ושנתה נדת עלוהי׃

  14. דָּנִיֵּאל ו׳:י״טבערך תקל״ח לפנה״ס

    באדין מלכא בשפרפרא יקום בנגהא ובהתבהלה לגבא די אריותא אזל׃

  15. דָּנִיֵּאל ו׳:כ׳בערך תקל״ח לפנה״ס

    וכמקרבה לגבא לדניאל בקל עציב זעק ענה מלכא ואמר לדניאל דניאל עבד אלהא חיא אלהך די אנתה פלח לה בתדירא היכל לשיזבותך מן אריותא׃

  16. דָּנִיֵּאל ו׳:כ״אבערך תקל״ח לפנה״ס

    אדין דניאל עם מלכא מלל מלכא לעלמין חיי׃

  17. דָּנִיֵּאל ו׳:כ״בבערך תקל״ח לפנה״ס

    אלהי שלח מלאכה וסגר פם אריותא ולא חבלוני כל קבל די קדמוהי זכו השתכחת לי ואף קדמיך מלכא חבולה לא עבדת׃

  18. דָּנִיֵּאל ו׳:כ״גבערך תקל״ח לפנה״ס

    באדין מלכא שגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השתכח בה די הימן באלהה׃

  19. דָּנִיֵּאל ו׳:כ״דבערך תקל״ח לפנה״ס

    ואמר מלכא והיתיו גבריא אלך די אכלו קרצוהי די דניאל ולגב אריותא רמו אנון בניהון ונשיהון ולא מטו לארעית גבא עד די שלטו בהון אריותא וכל גרמיהון הדקו׃

  20. דָּנִיֵּאל ו׳:כ״הבערך תקל״ח לפנה״ס

    באדין דריוש מלכא כתב לכל עממיא אמיא ולשניא די דארין בכל ארעא שלמכון ישגא׃

  21. דָּנִיֵּאל ו׳:כ״ובערך תקל״ח לפנה״ס

    מן קדמי שים טעם די בכל שלטן מלכותי להון זאעין ודחלין מן קדם אלהה די דניאל די הוא אלהא חיא וקים לעלמין ומלכותה די לא תתחבל ושלטנה עד סופא׃

  22. דָּנִיֵּאל ו׳:כ״זבערך תקל״ח לפנה״ס

    משיזב ומצל ועבד אתין ותמהין בשמיא ובארעא די שיזיב לדניאל מן יד אריותא׃

  23. דָּנִיֵּאל ו׳:כ״חבערך תקל״ח לפנה״ס

    ודניאל דנה הצלח במלכות דריוש ובמלכות כורש פרסיא׃

  24. דָּנִיֵּאל ז׳:א׳בערך תקנ״ה לפנה״ס

    ¶ בשנת חדה לבלאשצר מלך בבל דניאל חלם חזה וחזוי ראשה על משכבה באדין חלמא כתב ראש מלין אמר׃

  25. דָּנִיֵּאל ז׳:ב׳בערך תקנ״ה לפנה״ס

    ענה דניאל ואמר חזה הוית בחזוי עם ליליא וארו ארבע רוחי שמיא מגיחן לימא רבא׃