Pharaoh

12 פסוקים

ידוע גם בשם: Pharaoh-hophra

פסוקים המזכירים את Pharaoh

  1. יִרְמְיָהוּ מ״ד:ל׳

    כה אמר יהוה הנני נתן את פרעה חפרע מלך מצרים ביד איביו וביד מבקשי נפשו כאשר נתתי את צדקיהו מלך יהודה ביד נבוכדראצר מלך בבל איבו ומבקש נפשו׃

  2. יְחֶזְקֵאל י״ז:י״ז

    ולא בחיל גדול ובקהל רב יעשה אותו פרעה במלחמה בשפך סללה ובבנות דיק להכרית נפשות רבות׃

  3. יְחֶזְקֵאל כ״ט:ב׳

    בן אדם שים פניך על פרעה מלך מצרים והנבא עליו ועל מצרים כלה׃

  4. יְחֶזְקֵאל כ״ט:ג׳

    דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני׃

  5. יְחֶזְקֵאל ל׳:כ״א

    בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה לתפש בחרב׃

  6. יְחֶזְקֵאל ל׳:כ״ב

    לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידו׃

  7. יְחֶזְקֵאל ל׳:כ״ה

    והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצרים׃

  8. יְחֶזְקֵאל ל״א:ב׳

    בן אדם אמר אל פרעה מלך מצרים ואל המונו אל מי דמית בגדלך׃

  9. יְחֶזְקֵאל ל״א:י״ח

    אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשכב את חללי חרב הוא פרעה וכל המונה נאם אדני יהוה׃

  10. יְחֶזְקֵאל ל״ב:ב׳

    בן אדם שא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃

  11. יְחֶזְקֵאל ל״ב:ל״א

    אותם יראה פרעה ונחם על כל המונה חללי חרב פרעה וכל חילו נאם אדני יהוה׃

  12. יְחֶזְקֵאל ל״ב:ל״ב

    כי נתתי את חתיתו בארץ חיים והשכב בתוך ערלים את חללי חרב פרעה וכל המונה נאם אדני יהוה׃