TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 605–538 BC
The Babylonian Exile
Jerusalem falls and the temple burns; Ezekiel and Daniel minister among the exiles as Lamentations mourns the city's ruin.
פסוקים מתקופה זו
- דָּנִיֵּאל ז׳:כ״חבערך תקנ״ה לפנה״ס
עד כה סופא די מלתא אנה דניאל שגיא רעיוני יבהלנני וזיוי ישתנון עלי ומלתא בלבי נטרת׃
- דָּנִיֵּאל ח׳:א׳בערך תקנ״ג לפנה״ס
¶ בשנת שלוש למלכות בלאשצר המלך חזון נראה אלי אני דניאל אחרי הנראה אלי בתחלה׃
- דָּנִיֵּאל ח׳:ב׳בערך תקנ״ג לפנה״ס
ואראה בחזון ויהי בראתי ואני בשושן הבירה אשר בעילם המדינה ואראה בחזון ואני הייתי על אובל אולי׃
- דָּנִיֵּאל ח׳:ג׳בערך תקנ״ג לפנה״ס
ואשא עיני ואראה והנה איל אחד עמד לפני האבל ולו קרנים והקרנים גבהות והאחת גבהה מן השנית והגבהה עלה באחרנה׃
- דָּנִיֵּאל ח׳:ד׳בערך תקנ״ג לפנה״ס
ראיתי את האיל מנגח ימה וצפונה ונגבה וכל חיות לא יעמדו לפניו ואין מציל מידו ועשה כרצנו והגדיל׃
- דָּנִיֵּאל ח׳:ה׳בערך תקנ״ג לפנה״ס
ואני הייתי מבין והנה צפיר העזים בא מן המערב על פני כל הארץ ואין נוגע בארץ והצפיר קרן חזות בין עיניו׃
- דָּנִיֵּאל ח׳:ו׳בערך תקנ״ג לפנה״ס
ויבא עד האיל בעל הקרנים אשר ראיתי עמד לפני האבל וירץ אליו בחמת כחו׃
- דָּנִיֵּאל ח׳:ז׳בערך תקנ״ג לפנה״ס
וראיתיו מגיע אצל האיל ויתמרמר אליו ויך את האיל וישבר את שתי קרניו ולא היה כח באיל לעמד לפניו וישליכהו ארצה וירמסהו ולא היה מציל לאיל מידו׃
- דָּנִיֵּאל ח׳:ח׳בערך תקנ״ג לפנה״ס
וצפיר העזים הגדיל עד מאד וכעצמו נשברה הקרן הגדולה ותעלנה חזות ארבע תחתיה לארבע רוחות השמים׃
- דָּנִיֵּאל ח׳:ט׳בערך תקנ״ג לפנה״ס
ומן האחת מהם יצא קרן אחת מצעירה ותגדל יתר אל הנגב ואל המזרח ואל הצבי׃
- דָּנִיֵּאל ח׳:י׳בערך תקנ״ג לפנה״ס
ותגדל עד צבא השמים ותפל ארצה מן הצבא ומן הכוכבים ותרמסם׃
- דָּנִיֵּאל ח׳:י״אבערך תקנ״ג לפנה״ס
ועד שר הצבא הגדיל וממנו הרים התמיד והשלך מכון מקדשו׃
- דָּנִיֵּאל ח׳:י״בבערך תקנ״ג לפנה״ס
וצבא תנתן על התמיד בפשע ותשלך אמת ארצה ועשתה והצליחה׃
- דָּנִיֵּאל ח׳:י״גבערך תקנ״ג לפנה״ס
ואשמעה אחד קדוש מדבר ויאמר אחד קדוש לפלמוני המדבר עד מתי החזון התמיד והפשע שמם תת וקדש וצבא מרמס׃
- דָּנִיֵּאל ח׳:י״דבערך תקנ״ג לפנה״ס
ויאמר אלי עד ערב בקר אלפים ושלש מאות ונצדק קדש׃
- דָּנִיֵּאל ח׳:ט״ובערך תקנ״ג לפנה״ס
ויהי בראתי אני דניאל את החזון ואבקשה בינה והנה עמד לנגדי כמראה גבר׃
- דָּנִיֵּאל ח׳:ט״זבערך תקנ״ג לפנה״ס
ואשמע קול אדם בין אולי ויקרא ויאמר גבריאל הבן להלז את המראה׃
- דָּנִיֵּאל ח׳:י״זבערך תקנ״ג לפנה״ס
ויבא אצל עמדי ובבאו נבעתי ואפלה על פני ויאמר אלי הבן בן אדם כי לעת קץ החזון׃
- דָּנִיֵּאל ח׳:י״חבערך תקנ״ג לפנה״ס
ובדברו עמי נרדמתי על פני ארצה ויגע בי ויעמידני על עמדי׃
- דָּנִיֵּאל ח׳:י״טבערך תקנ״ג לפנה״ס
ויאמר הנני מודיעך את אשר יהיה באחרית הזעם כי למועד קץ׃
- דָּנִיֵּאל ח׳:כ׳בערך תקנ״ג לפנה״ס
האיל אשר ראית בעל הקרנים מלכי מדי ופרס׃
- דָּנִיֵּאל ח׳:כ״אבערך תקנ״ג לפנה״ס
והצפיר השעיר מלך יון והקרן הגדולה אשר בין עיניו הוא המלך הראשון׃
- דָּנִיֵּאל ח׳:כ״בבערך תקנ״ג לפנה״ס
והנשברת ותעמדנה ארבע תחתיה ארבע מלכיות מגוי יעמדנה ולא בכחו׃
- דָּנִיֵּאל ח׳:כ״גבערך תקנ״ג לפנה״ס
ובאחרית מלכותם כהתם הפשעים יעמד מלך עז פנים ומבין חידות׃
- דָּנִיֵּאל ח׳:כ״דבערך תקנ״ג לפנה״ס
ועצם כחו ולא בכחו ונפלאות ישחית והצליח ועשה והשחית עצומים ועם קדשים׃