circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דָּנִיֵּאל ח׳:כ״הבערך תקנ״ג לפנה״ס

    ועל שכלו והצליח מרמה בידו ובלבבו יגדיל ובשלוה ישחית רבים ועל שר שרים יעמד ובאפס יד ישבר׃

  2. דָּנִיֵּאל ח׳:כ״ובערך תקנ״ג לפנה״ס

    ומראה הערב והבקר אשר נאמר אמת הוא ואתה סתם החזון כי לימים רבים׃

  3. דָּנִיֵּאל ח׳:כ״זבערך תקנ״ג לפנה״ס

    ואני דניאל נהייתי ונחליתי ימים ואקום ואעשה את מלאכת המלך ואשתומם על המראה ואין מבין׃

  4. דָּנִיֵּאל ט׳:א׳בערך תקל״ח לפנה״ס

    ¶ בשנת אחת לדריוש בן אחשורוש מזרע מדי אשר המלך על מלכות כשדים׃

  5. דָּנִיֵּאל ט׳:ב׳בערך תקל״ח לפנה״ס

    בשנת אחת למלכו אני דניאל בינתי בספרים מספר השנים אשר היה דבר יהוה אל ירמיה הנביא למלאות לחרבות ירושלם שבעים שנה׃

  6. דָּנִיֵּאל ט׳:ג׳בערך תקל״ח לפנה״ס

    ואתנה את פני אל אדני האלהים לבקש תפלה ותחנונים בצום ושק ואפר׃

  7. דָּנִיֵּאל ט׳:ד׳בערך תקל״ח לפנה״ס

    ואתפללה ליהוה אלהי ואתודה ואמרה אנא אדני האל הגדול והנורא שמר הברית והחסד לאהביו ולשמרי מצותיו׃

  8. דָּנִיֵּאל ט׳:ה׳בערך תקל״ח לפנה״ס

    חטאנו ועוינו והרשענו ומרדנו וסור ממצותך וממשפטיך׃

  9. דָּנִיֵּאל ט׳:ו׳בערך תקל״ח לפנה״ס

    ולא שמענו אל עבדיך הנביאים אשר דברו בשמך אל מלכינו שרינו ואבתינו ואל כל עם הארץ׃

  10. דָּנִיֵּאל ט׳:ז׳בערך תקל״ח לפנה״ס

    לך אדני הצדקה ולנו בשת הפנים כיום הזה לאיש יהודה וליושבי ירושלם ולכל ישראל הקרבים והרחקים בכל הארצות אשר הדחתם שם במעלם אשר מעלו בך׃

  11. דָּנִיֵּאל ט׳:ח׳בערך תקל״ח לפנה״ס

    יהוה לנו בשת הפנים למלכינו לשרינו ולאבתינו אשר חטאנו לך׃

  12. דָּנִיֵּאל ט׳:ט׳בערך תקל״ח לפנה״ס

    לאדני אלהינו הרחמים והסלחות כי מרדנו בו׃

  13. דָּנִיֵּאל ט׳:י׳בערך תקל״ח לפנה״ס

    ולא שמענו בקול יהוה אלהינו ללכת בתורתיו אשר נתן לפנינו ביד עבדיו הנביאים׃

  14. דָּנִיֵּאל ט׳:י״אבערך תקל״ח לפנה״ס

    וכל ישראל עברו את תורתך וסור לבלתי שמוע בקלך ותתך עלינו האלה והשבעה אשר כתובה בתורת משה עבד האלהים כי חטאנו לו׃

  15. דָּנִיֵּאל ט׳:י״בבערך תקל״ח לפנה״ס

    ויקם את דבריו אשר דבר עלינו ועל שפטינו אשר שפטונו להביא עלינו רעה גדלה אשר לא נעשתה תחת כל השמים כאשר נעשתה בירושלם׃

  16. דָּנִיֵּאל ט׳:י״גבערך תקל״ח לפנה״ס

    כאשר כתוב בתורת משה את כל הרעה הזאת באה עלינו ולא חלינו את פני יהוה אלהינו לשוב מעוננו ולהשכיל באמתך׃

  17. דָּנִיֵּאל ט׳:י״דבערך תקל״ח לפנה״ס

    וישקד יהוה על הרעה ויביאה עלינו כי צדיק יהוה אלהינו על כל מעשיו אשר עשה ולא שמענו בקלו׃

  18. דָּנִיֵּאל ט׳:ט״ובערך תקל״ח לפנה״ס

    ועתה אדני אלהינו אשר הוצאת את עמך מארץ מצרים ביד חזקה ותעש לך שם כיום הזה חטאנו רשענו׃

  19. דָּנִיֵּאל ט׳:ט״זבערך תקל״ח לפנה״ס

    אדני ככל צדקתך ישב נא אפך וחמתך מעירך ירושלם הר קדשך כי בחטאינו ובעונות אבתינו ירושלם ועמך לחרפה לכל סביבתינו׃

  20. דָּנִיֵּאל ט׳:י״זבערך תקל״ח לפנה״ס

    ועתה שמע אלהינו אל תפלת עבדך ואל תחנוניו והאר פניך על מקדשך השמם למען אדני׃

  21. דָּנִיֵּאל ט׳:י״חבערך תקל״ח לפנה״ס

    הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים׃

  22. דָּנִיֵּאל ט׳:י״טבערך תקל״ח לפנה״ס

    אדני שמעה אדני סלחה אדני הקשיבה ועשה אל תאחר למענך אלהי כי שמך נקרא על עירך ועל עמך׃

  23. דָּנִיֵּאל ט׳:כ׳בערך תקל״ח לפנה״ס

    ועוד אני מדבר ומתפלל ומתודה חטאתי וחטאת עמי ישראל ומפיל תחנתי לפני יהוה אלהי על הר קדש אלהי׃

  24. דָּנִיֵּאל ט׳:כ״אבערך תקל״ח לפנה״ס

    ועוד אני מדבר בתפלה והאיש גבריאל אשר ראיתי בחזון בתחלה מעף ביעף נגע אלי כעת מנחת ערב׃

  25. דָּנִיֵּאל ט׳:כ״בבערך תקל״ח לפנה״ס

    ויבן וידבר עמי ויאמר דניאל עתה יצאתי להשכילך בינה׃