circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דָּנִיֵּאל ט׳:כ״גבערך תקל״ח לפנה״ס

    בתחלת תחנוניך יצא דבר ואני באתי להגיד כי חמודות אתה ובין בדבר והבן במראה׃

  2. דָּנִיֵּאל ט׳:כ״דבערך תקל״ח לפנה״ס

    שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

  3. דָּנִיֵּאל ט׳:כ״הבערך תקל״ח לפנה״ס

    ותדע ותשכל מן מצא דבר להשיב ולבנות ירושלם עד משיח נגיד שבעים שבעה ושבעים ששים ושנים תשוב ונבנתה רחוב וחרוץ ובצוק העתים׃

  4. דָּנִיֵּאל ט׳:כ״ובערך תקל״ח לפנה״ס

    ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃

  5. דָּנִיֵּאל ט׳:כ״זבערך תקל״ח לפנה״ס

    והגביר ברית לרבים שבוע אחד וחצי השבוע ישבית זבח ומנחה ועל כנף שקוצים משמם ועד כלה ונחרצה תתך על שמם׃

  6. דָּנִיֵּאל י׳:א׳בערך תקל״ד לפנה״ס

    ¶ בשנת שלוש לכורש מלך פרס דבר נגלה לדניאל אשר נקרא שמו בלטשאצר ואמת הדבר וצבא גדול ובין את הדבר ובינה לו במראה׃

  7. דָּנִיֵּאל י׳:ב׳בערך תקל״ד לפנה״ס

    בימים ההם אני דניאל הייתי מתאבל שלשה שבעים ימים׃

  8. דָּנִיֵּאל י׳:ג׳בערך תקל״ד לפנה״ס

    לחם חמדות לא אכלתי ובשר ויין לא בא אל פי וסוך לא סכתי עד מלאת שלשת שבעים ימים׃

  9. דָּנִיֵּאל י׳:ד׳בערך תקל״ד לפנה״ס

    וביום עשרים וארבעה לחדש הראשון ואני הייתי על יד הנהר הגדול הוא חדקל׃

  10. דָּנִיֵּאל י׳:ה׳בערך תקל״ד לפנה״ס

    ואשא את עיני וארא והנה איש אחד לבוש בדים ומתניו חגרים בכתם אופז׃

  11. דָּנִיֵּאל י׳:ו׳בערך תקל״ד לפנה״ס

    וגויתו כתרשיש ופניו כמראה ברק ועיניו כלפידי אש וזרעתיו ומרגלתיו כעין נחשת קלל וקול דבריו כקול המון׃

  12. דָּנִיֵּאל י׳:ז׳בערך תקל״ד לפנה״ס

    וראיתי אני דניאל לבדי את המראה והאנשים אשר היו עמי לא ראו את המראה אבל חרדה גדלה נפלה עליהם ויברחו בהחבא׃

  13. דָּנִיֵּאל י׳:ח׳בערך תקל״ד לפנה״ס

    ואני נשארתי לבדי ואראה את המראה הגדלה הזאת ולא נשאר בי כח והודי נהפך עלי למשחית ולא עצרתי כח׃

  14. דָּנִיֵּאל י׳:ט׳בערך תקל״ד לפנה״ס

    ואשמע את קול דבריו וכשמעי את קול דבריו ואני הייתי נרדם על פני ופני ארצה׃

  15. דָּנִיֵּאל י׳:י׳בערך תקל״ד לפנה״ס

    והנה יד נגעה בי ותניעני על ברכי וכפות ידי׃

  16. דָּנִיֵּאל י׳:י״אבערך תקל״ד לפנה״ס

    ויאמר אלי דניאל איש חמדות הבן בדברים אשר אנכי דבר אליך ועמד על עמדך כי עתה שלחתי אליך ובדברו עמי את הדבר הזה עמדתי מרעיד׃

  17. דָּנִיֵּאל י׳:י״בבערך תקל״ד לפנה״ס

    ויאמר אלי אל תירא דניאל כי מן היום הראשון אשר נתת את לבך להבין ולהתענות לפני אלהיך נשמעו דבריך ואני באתי בדבריך׃

  18. דָּנִיֵּאל י׳:י״גבערך תקל״ד לפנה״ס

    ושר מלכות פרס עמד לנגדי עשרים ואחד יום והנה מיכאל אחד השרים הראשנים בא לעזרני ואני נותרתי שם אצל מלכי פרס׃

  19. דָּנִיֵּאל י׳:י״דבערך תקל״ד לפנה״ס

    ובאתי להבינך את אשר יקרה לעמך באחרית הימים כי עוד חזון לימים׃

  20. דָּנִיֵּאל י׳:ט״ובערך תקל״ד לפנה״ס

    ובדברו עמי כדברים האלה נתתי פני ארצה ונאלמתי׃

  21. דָּנִיֵּאל י׳:ט״זבערך תקל״ד לפנה״ס

    והנה כדמות בני אדם נגע על שפתי ואפתח פי ואדברה ואמרה אל העמד לנגדי אדני במראה נהפכו צירי עלי ולא עצרתי כח׃

  22. דָּנִיֵּאל י׳:י״זבערך תקל״ד לפנה״ס

    והיך יוכל עבד אדני זה לדבר עם אדני זה ואני מעתה לא יעמד בי כח ונשמה לא נשארה בי׃

  23. דָּנִיֵּאל י׳:י״חבערך תקל״ד לפנה״ס

    ויסף ויגע בי כמראה אדם ויחזקני׃

  24. דָּנִיֵּאל י׳:י״טבערך תקל״ד לפנה״ס

    ויאמר אל תירא איש חמדות שלום לך חזק וחזק וכדברו עמי התחזקתי ואמרה ידבר אדני כי חזקתני׃

  25. דָּנִיֵּאל י׳:כ׳בערך תקל״ד לפנה״ס

    ויאמר הידעת למה באתי אליך ועתה אשוב להלחם עם שר פרס ואני יוצא והנה שר יון בא׃