TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 605–538 BC
The Babylonian Exile
Jerusalem falls and the temple burns; Ezekiel and Daniel minister among the exiles as Lamentations mourns the city's ruin.
פסוקים מתקופה זו
- דָּנִיֵּאל ה׳:י״בבערך תקל״ח לפנה״ס
כל קבל די רוח יתירה ומנדע ושכלתנו מפשר חלמין ואחוית אחידן ומשרא קטרין השתכחת בה בדניאל די מלכא שם שמה בלטשאצר כען דניאל יתקרי ופשרה יהחוה׃
- דָּנִיֵּאל ה׳:י״גבערך תקל״ח לפנה״ס
באדין דניאל העל קדם מלכא ענה מלכא ואמר לדניאל אנתה הוא דניאל די מן בני גלותא די יהוד די היתי מלכא אבי מן יהוד׃
- דָּנִיֵּאל ה׳:י״דבערך תקל״ח לפנה״ס
ושמעת עליך די רוח אלהין בך ונהירו ושכלתנו וחכמה יתירה השתכחת בך׃
- דָּנִיֵּאל ה׳:ט״ובערך תקל״ח לפנה״ס
וכען העלו קדמי חכימיא אשפיא די כתבה דנה יקרון ופשרה להודעתני ולא כהלין פשר מלתא להחויה׃
- דָּנִיֵּאל ה׳:ט״זבערך תקל״ח לפנה״ס
ואנה שמעת עליך די תוכל פשרין למפשר וקטרין למשרא כען הן תוכל כתבא למקרא ופשרה להודעתני ארגונא תלבש והמונכא די דהבא על צוארך ותלתא במלכותא תשלט׃
- דָּנִיֵּאל ה׳:י״זבערך תקל״ח לפנה״ס
באדין ענה דניאל ואמר קדם מלכא מתנתך לך להוין ונבזביתך לאחרן הב ברם כתבא אקרא למלכא ופשרא אהודענה׃
- דָּנִיֵּאל ה׳:י״חבערך תקל״ח לפנה״ס
אנתה מלכא אלהא עליא מלכותא ורבותא ויקרא והדרה יהב לנבכדנצר אבוך׃
- דָּנִיֵּאל ה׳:י״טבערך תקל״ח לפנה״ס
ומן רבותא די יהב לה כל עממיא אמיא ולשניא הוו זאעין ודחלין מן קדמוהי די הוה צבא הוא קטל ודי הוה צבא הוה מחא ודי הוה צבא הוה מרים ודי הוה צבא הוה משפיל׃
- דָּנִיֵּאל ה׳:כ׳בערך תקל״ח לפנה״ס
וכדי רם לבבה ורוחה תקפת להזדה הנחת מן כרסא מלכותה ויקרה העדיו מנה׃
- דָּנִיֵּאל ה׳:כ״אבערך תקל״ח לפנה״ס
ומן בני אנשא טריד ולבבה עם חיותא שוי ועם ערדיא מדורה עשבא כתורין יטעמונה ומטל שמיא גשמה יצטבע עד די ידע די שליט אלהא עליא במלכות אנשא ולמן די יצבה יהקים עליה׃
- דָּנִיֵּאל ה׳:כ״בבערך תקל״ח לפנה״ס
ואנתה ברה בלשאצר לא השפלת לבבך כל קבל די כל דנה ידעת׃
- דָּנִיֵּאל ה׳:כ״גבערך תקל״ח לפנה״ס
ועל מרא שמיא התרוממת ולמאניא די ביתה היתיו קדמיך ואנתה ורברבניך שגלתך ולחנתך חמרא שתין בהון ולאלהי כספא ודהבא נחשא פרזלא אעא ואבנא די לא חזין ולא שמעין ולא ידעין שבחת ולאלהא די נשמתך בידה וכל ארחתך לה לא הדרת׃
- דָּנִיֵּאל ה׳:כ״דבערך תקל״ח לפנה״ס
באדין מן קדמוהי שליח פסא די ידא וכתבא דנה רשים׃
- דָּנִיֵּאל ה׳:כ״הבערך תקל״ח לפנה״ס
ודנה כתבא די רשים מנא מנא תקל ופרסין׃
- דָּנִיֵּאל ה׳:כ״ובערך תקל״ח לפנה״ס
דנה פשר מלתא מנא מנה אלהא מלכותך והשלמה׃
- דָּנִיֵּאל ה׳:כ״זבערך תקל״ח לפנה״ס
תקל תקילתה במאזניא והשתכחת חסיר׃
- דָּנִיֵּאל ה׳:כ״חבערך תקל״ח לפנה״ס
פרס פריסת מלכותך ויהיבת למדי ופרס׃
- דָּנִיֵּאל ה׳:כ״טבערך תקל״ח לפנה״ס
באדין אמר בלשאצר והלבישו לדניאל ארגונא והמונכא די דהבא על צוארה והכרזו עלוהי די להוא שליט תלתא במלכותא׃
- דָּנִיֵּאל ה׳:ל׳בערך תקל״ח לפנה״ס
בה בליליא קטיל בלאשצר מלכא כשדיא׃
- דָּנִיֵּאל ה׳:ל״אבערך תקל״ח לפנה״ס
ודריוש מדיא קבל מלכותא כבר שנין שתין ותרתין׃
- דָּנִיֵּאל ו׳:א׳בערך תקל״ח לפנה״ס
¶ שפר קדם דריוש והקים על מלכותא לאחשדרפניא מאה ועשרין די להון בכל מלכותא׃
- דָּנִיֵּאל ו׳:ב׳בערך תקל״ח לפנה״ס
ועלא מנהון סרכין תלתא די דניאל חד מנהון די להון אחשדרפניא אלין יהבין להון טעמא ומלכא לא להוא נזק׃
- דָּנִיֵּאל ו׳:ג׳בערך תקל״ח לפנה״ס
אדין דניאל דנה הוא מתנצח על סרכיא ואחשדרפניא כל קבל די רוח יתירא בה ומלכא עשית להקמותה על כל מלכותא׃
- דָּנִיֵּאל ו׳:ד׳בערך תקל״ח לפנה״ס
אדין סרכיא ואחשדרפניא הוו בעין עלה להשכחה לדניאל מצד מלכותא וכל עלה ושחיתה לא יכלין להשכחה כל קבל די מהימן הוא וכל שלו ושחיתה לא השתכחת עלוהי׃
- דָּנִיֵּאל ו׳:ה׳בערך תקל״ח לפנה״ס
אדין גבריא אלך אמרין די לא נהשכח לדניאל דנה כל עלא להן השכחנה עלוהי בדת אלהה׃