עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 דִּבְרֵי הַיָּמִים כ״ה:ז׳

    ואיש האלהים בא אליו לאמר המלך אל יבא עמך צבא ישראל כי אין יהוה עם ישראל כל בני אפרים׃

  2. 2 דִּבְרֵי הַיָּמִים כ״ה:ח׳

    כי אם בא אתה עשה חזק למלחמה יכשילך האלהים לפני אויב כי יש כח באלהים לעזור ולהכשיל׃

  3. 2 דִּבְרֵי הַיָּמִים כ״ה:ט׳

    ויאמר אמציהו לאיש האלהים ומה לעשות למאת הככר אשר נתתי לגדוד ישראל ויאמר איש האלהים יש ליהוה לתת לך הרבה מזה׃

  4. 2 דִּבְרֵי הַיָּמִים כ״ה:ט״ו

    ויחר אף יהוה באמציהו וישלח אליו נביא ויאמר לו למה דרשת את אלהי העם אשר לא הצילו את עמם מידך׃

  5. 2 דִּבְרֵי הַיָּמִים כ״ה:ט״ז

    ויהי בדברו אליו ויאמר לו הליועץ למלך נתנוך חדל לך למה יכוך ויחדל הנביא ויאמר ידעתי כי יעץ אלהים להשחיתך כי עשית זאת ולא שמעת לעצתי׃

  6. 2 דִּבְרֵי הַיָּמִים כ״ה:כ׳

    ולא שמע אמציהו כי מהאלהים היא למען תתם ביד כי דרשו את אלהי אדום׃

  7. 2 דִּבְרֵי הַיָּמִים כ״ה:כ״ד

    וכל הזהב והכסף ואת כל הכלים הנמצאים בבית האלהים עם עבד אדום ואת אצרות בית המלך ואת בני התערבות וישב שמרון׃

  8. 2 דִּבְרֵי הַיָּמִים כ״ה:כ״ז

    ומעת אשר סר אמציהו מאחרי יהוה ויקשרו עליו קשר בירושלם וינס לכישה וישלחו אחריו לכישה וימיתהו שם׃

  9. 2 דִּבְרֵי הַיָּמִים כ״ו:ד׳

    ויעש הישר בעיני יהוה ככל אשר עשה אמציהו אביו׃

  10. 2 דִּבְרֵי הַיָּמִים כ״ו:ה׳

    ויהי לדרש אלהים בימי זכריהו המבין בראת האלהים ובימי דרשו את יהוה הצליחו האלהים׃

  11. 2 דִּבְרֵי הַיָּמִים כ״ו:ז׳

    ויעזרהו האלהים על פלשתים ועל הערביים הישבים בגור בעל והמעונים׃

  12. 2 דִּבְרֵי הַיָּמִים כ״ו:ט״ז

    וכחזקתו גבה לבו עד להשחית וימעל ביהוה אלהיו ויבא אל היכל יהוה להקטיר על מזבח הקטרת׃

  13. 2 דִּבְרֵי הַיָּמִים כ״ו:י״ז

    ויבא אחריו עזריהו הכהן ועמו כהנים ליהוה שמונים בני חיל׃

  14. 2 דִּבְרֵי הַיָּמִים כ״ו:י״ח

    ויעמדו על עזיהו המלך ויאמרו לו לא לך עזיהו להקטיר ליהוה כי לכהנים בני אהרן המקדשים להקטיר צא מן המקדש כי מעלת ולא לך לכבוד מיהוה אלהים׃

  15. 2 דִּבְרֵי הַיָּמִים כ״ו:י״ט

    ויזעף עזיהו ובידו מקטרת להקטיר ובזעפו עם הכהנים והצרעת זרחה במצחו לפני הכהנים בבית יהוה מעל למזבח הקטרת׃

  16. 2 דִּבְרֵי הַיָּמִים כ״ו:כ׳

    ויפן אליו עזריהו כהן הראש וכל הכהנים והנה הוא מצרע במצחו ויבהלוהו משם וגם הוא נדחף לצאת כי נגעו יהוה׃

  17. 2 דִּבְרֵי הַיָּמִים כ״ו:כ״א

    ויהי עזיהו המלך מצרע עד יום מותו וישב בית החפשות מצרע כי נגזר מבית יהוה ויותם בנו על בית המלך שופט את עם הארץ׃

  18. 2 דִּבְרֵי הַיָּמִים כ״ז:ב׳

    ויעש הישר בעיני יהוה ככל אשר עשה עזיהו אביו רק לא בא אל היכל יהוה ועוד העם משחיתים׃

  19. 2 דִּבְרֵי הַיָּמִים כ״ז:ג׳

    הוא בנה את שער בית יהוה העליון ובחומת העפל בנה לרב׃

  20. 2 דִּבְרֵי הַיָּמִים כ״ז:ו׳

    ויתחזק יותם כי הכין דרכיו לפני יהוה אלהיו׃

  21. 2 דִּבְרֵי הַיָּמִים כ״ח:א׳

    ¶ בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו׃

  22. 2 דִּבְרֵי הַיָּמִים כ״ח:ג׳

    והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל׃

  23. 2 דִּבְרֵי הַיָּמִים כ״ח:ה׳

    ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה׃

  24. 2 דִּבְרֵי הַיָּמִים כ״ח:ו׳

    ויהרג פקח בן רמליהו ביהודה מאה ועשרים אלף ביום אחד הכל בני חיל בעזבם את יהוה אלהי אבותם׃

  25. 2 דִּבְרֵי הַיָּמִים כ״ח:ט׳

    ושם היה נביא ליהוה עדד שמו ויצא לפני הצבא הבא לשמרון ויאמר להם הנה בחמת יהוה אלהי אבותיכם על יהודה נתנם בידכם ותהרגו בם בזעף עד לשמים הגיע׃