עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 דִּבְרֵי הַיָּמִים י״א:ט׳

    וילך דויד הלוך וגדול ויהוה צבאות עמו׃

  2. 1 דִּבְרֵי הַיָּמִים י״א:י׳

    ואלה ראשי הגבורים אשר לדויד המתחזקים עמו במלכותו עם כל ישראל להמליכו כדבר יהוה על ישראל׃

  3. 1 דִּבְרֵי הַיָּמִים י״א:י״ד

    ויתיצבו בתוך החלקה ויצילוה ויכו את פלשתים ויושע יהוה תשועה גדולה׃

  4. 1 דִּבְרֵי הַיָּמִים י״א:י״ח

    ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה׃

  5. 1 דִּבְרֵי הַיָּמִים י״א:י״ט

    ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים׃

  6. 1 דִּבְרֵי הַיָּמִים י״ב:י״ז

    ויצא דויד לפניהם ויען ויאמר להם אם לשלום באתם אלי לעזרני יהיה לי עליכם לבב ליחד ואם לרמותני לצרי בלא חמס בכפי ירא אלהי אבותינו ויוכח׃

  7. 1 דִּבְרֵי הַיָּמִים י״ב:י״ח

    ורוח לבשה את עמשי ראש השלושים לך דויד ועמך בן ישי שלום שלום לך ושלום לעזרך כי עזרך אלהיך ויקבלם דויד ויתנם בראשי הגדוד׃

  8. 1 דִּבְרֵי הַיָּמִים י״ב:כ״ב

    כי לעת יום ביום יבאו על דויד לעזרו עד למחנה גדול כמחנה אלהים׃

  9. 1 דִּבְרֵי הַיָּמִים י״ב:כ״ג

    ואלה מספרי ראשי החלוץ לצבא באו על דויד חברונה להסב מלכות שאול אליו כפי יהוה׃

  10. 1 דִּבְרֵי הַיָּמִים י״ג:ב׳

    ויאמר דויד לכל קהל ישראל אם עליכם טוב ומן יהוה אלהינו נפרצה נשלחה על אחינו הנשארים בכל ארצות ישראל ועמהם הכהנים והלוים בערי מגרשיהם ויקבצו אלינו׃

  11. 1 דִּבְרֵי הַיָּמִים י״ג:ג׳

    ונסבה את ארון אלהינו אלינו כי לא דרשנהו בימי שאול׃

  12. 1 דִּבְרֵי הַיָּמִים י״ג:ה׳

    ויקהל דויד את כל ישראל מן שיחור מצרים ועד לבוא חמת להביא את ארון האלהים מקרית יערים׃

  13. 1 דִּבְרֵי הַיָּמִים י״ג:ו׳

    ויעל דויד וכל ישראל בעלתה אל קרית יערים אשר ליהודה להעלות משם את ארון האלהים יהוה יושב הכרובים אשר נקרא שם׃

  14. 1 דִּבְרֵי הַיָּמִים י״ג:ז׳

    וירכיבו את ארון האלהים על עגלה חדשה מבית אבינדב ועזא ואחיו נהגים בעגלה׃

  15. 1 דִּבְרֵי הַיָּמִים י״ג:ח׳

    ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות׃

  16. 1 דִּבְרֵי הַיָּמִים י״ג:י׳

    ויחר אף יהוה בעזא ויכהו על אשר שלח ידו על הארון וימת שם לפני אלהים׃

  17. 1 דִּבְרֵי הַיָּמִים י״ג:י״א

    ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה׃

  18. 1 דִּבְרֵי הַיָּמִים י״ג:י״ב

    ויירא דויד את האלהים ביום ההוא לאמר היך אביא אלי את ארון האלהים׃

  19. 1 דִּבְרֵי הַיָּמִים י״ג:י״ד

    וישב ארון האלהים עם בית עבד אדם בביתו שלשה חדשים ויברך יהוה את בית עבד אדם ואת כל אשר לו׃

  20. 1 דִּבְרֵי הַיָּמִים י״ד:ב׳

    וידע דויד כי הכינו יהוה למלך על ישראל כי נשאת למעלה מלכותו בעבור עמו ישראל׃

  21. 1 דִּבְרֵי הַיָּמִים י״ד:י׳

    וישאל דויד באלהים לאמר האעלה על פלשתיים ונתתם בידי ויאמר לו יהוה עלה ונתתים בידך׃

  22. 1 דִּבְרֵי הַיָּמִים י״ד:י״א

    ויעלו בבעל פרצים ויכם שם דויד ויאמר דויד פרץ האלהים את אויבי בידי כפרץ מים על כן קראו שם המקום ההוא בעל פרצים׃

  23. 1 דִּבְרֵי הַיָּמִים י״ד:י״ד

    וישאל עוד דויד באלהים ויאמר לו האלהים לא תעלה אחריהם הסב מעליהם ובאת להם ממול הבכאים׃

  24. 1 דִּבְרֵי הַיָּמִים י״ד:ט״ו

    ויהי כשמעך את קול הצעדה בראשי הבכאים אז תצא במלחמה כי יצא האלהים לפניך להכות את מחנה פלשתים׃

  25. 1 דִּבְרֵי הַיָּמִים י״ד:ט״ז

    ויעש דויד כאשר צוהו האלהים ויכו את מחנה פלשתים מגבעון ועד גזרה׃