עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 מְלָכִים כ״ג:ג׳

    ויעמד המלך על העמוד ויכרת את הברית לפני יהוה ללכת אחר יהוה ולשמר מצותיו ואת עדותיו ואת חקתיו בכל לב ובכל נפש להקים את דברי הברית הזאת הכתבים על הספר הזה ויעמד כל העם בברית׃

  2. 2 מְלָכִים כ״ג:ד׳

    ויצו המלך את חלקיהו הכהן הגדול ואת כהני המשנה ואת שמרי הסף להוציא מהיכל יהוה את כל הכלים העשוים לבעל ולאשרה ולכל צבא השמים וישרפם מחוץ לירושלם בשדמות קדרון ונשא את עפרם בית אל׃

  3. 2 מְלָכִים כ״ג:ו׳

    ויצא את האשרה מבית יהוה מחוץ לירושלם אל נחל קדרון וישרף אתה בנחל קדרון וידק לעפר וישלך את עפרה על קבר בני העם׃

  4. 2 מְלָכִים כ״ג:ז׳

    ויתץ את בתי הקדשים אשר בבית יהוה אשר הנשים ארגות שם בתים לאשרה׃

  5. 2 מְלָכִים כ״ג:ט׳

    אך לא יעלו כהני הבמות אל מזבח יהוה בירושלם כי אם אכלו מצות בתוך אחיהם׃

  6. 2 מְלָכִים כ״ג:י״א

    וישבת את הסוסים אשר נתנו מלכי יהודה לשמש מבא בית יהוה אל לשכת נתן מלך הסריס אשר בפרורים ואת מרכבות השמש שרף באש׃

  7. 2 מְלָכִים כ״ג:י״ב

    ואת המזבחות אשר על הגג עלית אחז אשר עשו מלכי יהודה ואת המזבחות אשר עשה מנשה בשתי חצרות בית יהוה נתץ המלך וירץ משם והשליך את עפרם אל נחל קדרון׃

  8. 2 מְלָכִים כ״ג:ט״ז

    ויפן יאשיהו וירא את הקברים אשר שם בהר וישלח ויקח את העצמות מן הקברים וישרף על המזבח ויטמאהו כדבר יהוה אשר קרא איש האלהים אשר קרא את הדברים האלה׃

  9. 2 מְלָכִים כ״ג:י״ז

    ויאמר מה הציון הלז אשר אני ראה ויאמרו אליו אנשי העיר הקבר איש האלהים אשר בא מיהודה ויקרא את הדברים האלה אשר עשית על המזבח בית אל׃

  10. 2 מְלָכִים כ״ג:י״ט

    וגם את כל בתי הבמות אשר בערי שמרון אשר עשו מלכי ישראל להכעיס הסיר יאשיהו ויעש להם ככל המעשים אשר עשה בבית אל׃

  11. 2 מְלָכִים כ״ג:כ״א

    ויצו המלך את כל העם לאמר עשו פסח ליהוה אלהיכם ככתוב על ספר הברית הזה׃

  12. 2 מְלָכִים כ״ג:כ״ג

    כי אם בשמנה עשרה שנה למלך יאשיהו נעשה הפסח הזה ליהוה בירושלם׃

  13. 2 מְלָכִים כ״ג:כ״ד

    וגם את האבות ואת הידענים ואת התרפים ואת הגללים ואת כל השקצים אשר נראו בארץ יהודה ובירושלם בער יאשיהו למען הקים את דברי התורה הכתבים על הספר אשר מצא חלקיהו הכהן בית יהוה׃

  14. 2 מְלָכִים כ״ג:כ״ה

    וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו ככל תורת משה ואחריו לא קם כמהו׃

  15. 2 מְלָכִים כ״ג:כ״ו

    אך לא שב יהוה מחרון אפו הגדול אשר חרה אפו ביהודה על כל הכעסים אשר הכעיסו מנשה׃

  16. 2 מְלָכִים כ״ג:כ״ז

    ויאמר יהוה גם את יהודה אסיר מעל פני כאשר הסרתי את ישראל ומאסתי את העיר הזאת אשר בחרתי את ירושלם ואת הבית אשר אמרתי יהיה שמי שם׃

  17. 2 מְלָכִים כ״ג:ל״ב

    ויעש הרע בעיני יהוה ככל אשר עשו אבתיו׃

  18. 2 מְלָכִים כ״ג:ל״ז

    ויעש הרע בעיני יהוה ככל אשר עשו אבתיו׃

  19. 2 מְלָכִים כ״ד:ב׳

    וישלח יהוה בו את גדודי כשדים ואת גדודי ארם ואת גדודי מואב ואת גדודי בני עמון וישלחם ביהודה להאבידו כדבר יהוה אשר דבר ביד עבדיו הנביאים׃

  20. 2 מְלָכִים כ״ד:ג׳

    אך על פי יהוה היתה ביהודה להסיר מעל פניו בחטאת מנשה ככל אשר עשה׃

  21. 2 מְלָכִים כ״ד:ד׳

    וגם דם הנקי אשר שפך וימלא את ירושלם דם נקי ולא אבה יהוה לסלח׃

  22. 2 מְלָכִים כ״ד:ט׳

    ויעש הרע בעיני יהוה ככל אשר עשה אביו׃

  23. 2 מְלָכִים כ״ד:י״ג

    ויוצא משם את כל אוצרות בית יהוה ואוצרות בית המלך ויקצץ את כל כלי הזהב אשר עשה שלמה מלך ישראל בהיכל יהוה כאשר דבר יהוה׃

  24. 2 מְלָכִים כ״ד:י״ט

    ויעש הרע בעיני יהוה ככל אשר עשה יהויקים׃

  25. 2 מְלָכִים כ״ד:כ׳

    כי על אף יהוה היתה בירושלם וביהודה עד השלכו אתם מעל פניו וימרד צדקיהו במלך בבל׃