David

968 פסוקים · 40 בני משפחה

פסוקים המזכירים את David

2 שְׁמוּאֵל י״ב:כ״ט
ויאסף דוד את כל העם וילך רבתה וילחם בה וילכדה׃
2 שְׁמוּאֵל י״ב:ל׳
ויקח את עטרת מלכם מעל ראשו ומשקלה ככר זהב ואבן יקרה ותהי על ראש דוד ושלל העיר הוציא הרבה מאד׃
2 שְׁמוּאֵל י״ב:ל״א
ואת העם אשר בה הוציא וישם במגרה ובחרצי הברזל ובמגזרת הברזל והעביר אותם במלכן וכן יעשה לכל ערי בני עמון וישב דוד וכל העם ירושלם׃
2 שְׁמוּאֵל י״ג:א׳
¶ ויהי אחרי כן ולאבשלום בן דוד אחות יפה ושמה תמר ויאהבה אמנון בן דוד׃
2 שְׁמוּאֵל י״ג:ג׳
ולאמנון רע ושמו יונדב בן שמעה אחי דוד ויונדב איש חכם מאד׃
2 שְׁמוּאֵל י״ג:ז׳
וישלח דוד אל תמר הביתה לאמר לכי נא בית אמנון אחיך ועשי לו הבריה׃
2 שְׁמוּאֵל י״ג:כ״א
והמלך דוד שמע את כל הדברים האלה ויחר לו מאד׃
2 שְׁמוּאֵל י״ג:ל׳
ויהי המה בדרך והשמעה באה אל דוד לאמר הכה אבשלום את כל בני המלך ולא נותר מהם אחד׃
2 שְׁמוּאֵל י״ג:ל״ב
ויען יונדב בן שמעה אחי דוד ויאמר אל יאמר אדני את כל הנערים בני המלך המיתו כי אמנון לבדו מת כי על פי אבשלום היתה שימה מיום ענתו את תמר אחתו׃
2 שְׁמוּאֵל י״ג:ל״ז
ואבשלום ברח וילך אל תלמי בן עמיחור מלך גשור ויתאבל על בנו כל הימים׃
2 שְׁמוּאֵל י״ג:ל״ט
ותכל דוד המלך לצאת אל אבשלום כי נחם על אמנון כי מת׃
2 שְׁמוּאֵל ט״ו:י״ב
וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃
2 שְׁמוּאֵל ט״ו:י״ג
ויבא המגיד אל דוד לאמר היה לב איש ישראל אחרי אבשלום׃
2 שְׁמוּאֵל ט״ו:י״ד
ויאמר דוד לכל עבדיו אשר אתו בירושלם קומו ונברחה כי לא תהיה לנו פליטה מפני אבשלום מהרו ללכת פן ימהר והשגנו והדיח עלינו את הרעה והכה העיר לפי חרב׃
2 שְׁמוּאֵל ט״ו:כ״ב
ויאמר דוד אל אתי לך ועבר ויעבר אתי הגתי וכל אנשיו וכל הטף אשר אתו׃
2 שְׁמוּאֵל ט״ו:ל׳
ודוד עלה במעלה הזיתים עלה ובוכה וראש לו חפוי והוא הלך יחף וכל העם אשר אתו חפו איש ראשו ועלו עלה ובכה׃
2 שְׁמוּאֵל ט״ו:ל״א
ודוד הגיד לאמר אחיתפל בקשרים עם אבשלום ויאמר דוד סכל נא את עצת אחיתפל יהוה׃
2 שְׁמוּאֵל ט״ו:ל״ב
ויהי דוד בא עד הראש אשר ישתחוה שם לאלהים והנה לקראתו חושי הארכי קרוע כתנתו ואדמה על ראשו׃
2 שְׁמוּאֵל ט״ו:ל״ג
ויאמר לו דוד אם עברת אתי והית עלי למשא׃
2 שְׁמוּאֵל ט״ו:ל״ז
ויבא חושי רעה דוד העיר ואבשלם יבא ירושלם׃
2 שְׁמוּאֵל ט״ז:א׳
¶ ודוד עבר מעט מהראש והנה ציבא נער מפי בשת לקראתו וצמד חמרים חבשים ועליהם מאתים לחם ומאה צמוקים ומאה קיץ ונבל יין׃
2 שְׁמוּאֵל ט״ז:ה׳
ובא המלך דוד עד בחורים והנה משם איש יוצא ממשפחת בית שאול ושמו שמעי בן גרא יצא יצוא ומקלל׃
2 שְׁמוּאֵל ט״ז:ו׳
ויסקל באבנים את דוד ואת כל עבדי המלך דוד וכל העם וכל הגברים מימינו ומשמאלו׃
2 שְׁמוּאֵל ט״ז:י׳
ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשיתה כן׃
2 שְׁמוּאֵל ט״ז:י״א
ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה׃

מציג 376–400 מתוך 968 פסוקים

הקודם 1...14 15 16 17 18...39 הבא