David

968 פסוקים · 40 בני משפחה

פסוקים המזכירים את David

2 שְׁמוּאֵל י״א:ו׳
וישלח דוד אל יואב שלח אלי את אוריה החתי וישלח יואב את אוריה אל דוד׃
2 שְׁמוּאֵל י״א:ז׳
ויבא אוריה אליו וישאל דוד לשלום יואב ולשלום העם ולשלום המלחמה׃
2 שְׁמוּאֵל י״א:ח׳
ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משאת המלך׃
2 שְׁמוּאֵל י״א:י׳
ויגדו לדוד לאמר לא ירד אוריה אל ביתו ויאמר דוד אל אוריה הלוא מדרך אתה בא מדוע לא ירדת אל ביתך׃
2 שְׁמוּאֵל י״א:י״א
ויאמר אוריה אל דוד הארון וישראל ויהודה ישבים בסכות ואדני יואב ועבדי אדני על פני השדה חנים ואני אבוא אל ביתי לאכל ולשתות ולשכב עם אשתי חיך וחי נפשך אם אעשה את הדבר הזה׃
2 שְׁמוּאֵל י״א:י״ב
ויאמר דוד אל אוריה שב בזה גם היום ומחר אשלחך וישב אוריה בירושלם ביום ההוא וממחרת׃
2 שְׁמוּאֵל י״א:י״ג
ויקרא לו דוד ויאכל לפניו וישת וישכרהו ויצא בערב לשכב במשכבו עם עבדי אדניו ואל ביתו לא ירד׃
2 שְׁמוּאֵל י״א:י״ד
ויהי בבקר ויכתב דוד ספר אל יואב וישלח ביד אוריה׃
2 שְׁמוּאֵל י״א:י״ז
ויצאו אנשי העיר וילחמו את יואב ויפל מן העם מעבדי דוד וימת גם אוריה החתי׃
2 שְׁמוּאֵל י״א:י״ח
וישלח יואב ויגד לדוד את כל דברי המלחמה׃
2 שְׁמוּאֵל י״א:כ״ב
וילך המלאך ויבא ויגד לדוד את כל אשר שלחו יואב׃
2 שְׁמוּאֵל י״א:כ״ג
ויאמר המלאך אל דוד כי גברו עלינו האנשים ויצאו אלינו השדה ונהיה עליהם עד פתח השער׃
2 שְׁמוּאֵל י״א:כ״ה
ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃
2 שְׁמוּאֵל י״א:כ״ז
ויעבר האבל וישלח דוד ויאספה אל ביתו ותהי לו לאשה ותלד לו בן וירע הדבר אשר עשה דוד בעיני יהוה׃
2 שְׁמוּאֵל י״ב:א׳
¶ וישלח יהוה את נתן אל דוד ויבא אליו ויאמר לו שני אנשים היו בעיר אחת אחד עשיר ואחד ראש׃
2 שְׁמוּאֵל י״ב:ה׳
ויחר אף דוד באיש מאד ויאמר אל נתן חי יהוה כי בן מות האיש העשה זאת׃
2 שְׁמוּאֵל י״ב:ז׳
ויאמר נתן אל דוד אתה האיש כה אמר יהוה אלהי ישראל אנכי משחתיך למלך על ישראל ואנכי הצלתיך מיד שאול׃
2 שְׁמוּאֵל י״ב:י״ג
ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃
2 שְׁמוּאֵל י״ב:ט״ו
וילך נתן אל ביתו ויגף יהוה את הילד אשר ילדה אשת אוריה לדוד ויאנש׃
2 שְׁמוּאֵל י״ב:ט״ז
ויבקש דוד את האלהים בעד הנער ויצם דוד צום ובא ולן ושכב ארצה׃
2 שְׁמוּאֵל י״ב:י״ח
ויהי ביום השביעי וימת הילד ויראו עבדי דוד להגיד לו כי מת הילד כי אמרו הנה בהיות הילד חי דברנו אליו ולא שמע בקולנו ואיך נאמר אליו מת הילד ועשה רעה׃
2 שְׁמוּאֵל י״ב:י״ט
וירא דוד כי עבדיו מתלחשים ויבן דוד כי מת הילד ויאמר דוד אל עבדיו המת הילד ויאמרו מת׃
2 שְׁמוּאֵל י״ב:כ׳
ויקם דוד מהארץ וירחץ ויסך ויחלף שמלתו ויבא בית יהוה וישתחו ויבא אל ביתו וישאל וישימו לו לחם ויאכל׃
2 שְׁמוּאֵל י״ב:כ״ד
וינחם דוד את בת שבע אשתו ויבא אליה וישכב עמה ותלד בן ויקרא את שמו שלמה ויהוה אהבו׃
2 שְׁמוּאֵל י״ב:כ״ז
וישלח יואב מלאכים אל דוד ויאמר נלחמתי ברבה גם לכדתי את עיר המים׃

מציג 351–375 מתוך 968 פסוקים

הקודם 1...13 14 15 16 17...39 הבא