David

968 פסוקים · 40 בני משפחה

פסוקים המזכירים את David

2 שְׁמוּאֵל ו׳:ח׳
ויחר לדוד על אשר פרץ יהוה פרץ בעזה ויקרא למקום ההוא פרץ עזה עד היום הזה׃
2 שְׁמוּאֵל ו׳:ט׳
וירא דוד את יהוה ביום ההוא ויאמר איך יבוא אלי ארון יהוה׃
2 שְׁמוּאֵל ו׳:י׳
ולא אבה דוד להסיר אליו את ארון יהוה על עיר דוד ויטהו דוד בית עבד אדום הגתי׃
2 שְׁמוּאֵל ו׳:י״ב
ויגד למלך דוד לאמר ברך יהוה את בית עבד אדם ואת כל אשר לו בעבור ארון האלהים וילך דוד ויעל את ארון האלהים מבית עבד אדם עיר דוד בשמחה׃
2 שְׁמוּאֵל ו׳:י״ד
ודוד מכרכר בכל עז לפני יהוה ודוד חגור אפוד בד׃
2 שְׁמוּאֵל ו׳:ט״ו
ודוד וכל בית ישראל מעלים את ארון יהוה בתרועה ובקול שופר׃
2 שְׁמוּאֵל ו׳:ט״ז
והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
2 שְׁמוּאֵל ו׳:י״ז
ויבאו את ארון יהוה ויצגו אתו במקומו בתוך האהל אשר נטה לו דוד ויעל דוד עלות לפני יהוה ושלמים׃
2 שְׁמוּאֵל ו׳:י״ח
ויכל דוד מהעלות העולה והשלמים ויברך את העם בשם יהוה צבאות׃
2 שְׁמוּאֵל ו׳:כ׳
וישב דוד לברך את ביתו ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים׃
2 שְׁמוּאֵל ו׳:כ״א
ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃
2 שְׁמוּאֵל ז׳:ה׳
לך ואמרת אל עבדי אל דוד כה אמר יהוה האתה תבנה לי בית לשבתי׃
2 שְׁמוּאֵל ז׳:ח׳
ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃
2 שְׁמוּאֵל ז׳:י״ז
ככל הדברים האלה וככל החזיון הזה כן דבר נתן אל דוד׃
2 שְׁמוּאֵל ז׳:י״ח
ויבא המלך דוד וישב לפני יהוה ויאמר מי אנכי אדני יהוה ומי ביתי כי הביאתני עד הלם׃
2 שְׁמוּאֵל ז׳:כ׳
ומה יוסיף דוד עוד לדבר אליך ואתה ידעת את עבדך אדני יהוה׃
2 שְׁמוּאֵל ז׳:כ״ו
ויגדל שמך עד עולם לאמר יהוה צבאות אלהים על ישראל ובית עבדך דוד יהיה נכון לפניך׃
2 שְׁמוּאֵל ח׳:א׳
¶ ויהי אחרי כן ויך דוד את פלשתים ויכניעם ויקח דוד את מתג האמה מיד פלשתים׃
2 שְׁמוּאֵל ח׳:ב׳
ויך את מואב וימדדם בחבל השכב אותם ארצה וימדד שני חבלים להמית ומלא החבל להחיות ותהי מואב לדוד לעבדים נשאי מנחה׃
2 שְׁמוּאֵל ח׳:ג׳
ויך דוד את הדדעזר בן רחב מלך צובה בלכתו להשיב ידו בנהר׃
2 שְׁמוּאֵל ח׳:ד׳
וילכד דוד ממנו אלף ושבע מאות פרשים ועשרים אלף איש רגלי ויעקר דוד את כל הרכב ויותר ממנו מאה רכב׃
2 שְׁמוּאֵל ח׳:ה׳
ותבא ארם דמשק לעזר להדדעזר מלך צובה ויך דוד בארם עשרים ושנים אלף איש׃
2 שְׁמוּאֵל ח׳:ו׳
וישם דוד נצבים בארם דמשק ותהי ארם לדוד לעבדים נושאי מנחה וישע יהוה את דוד בכל אשר הלך׃
2 שְׁמוּאֵל ח׳:ז׳
ויקח דוד את שלטי הזהב אשר היו אל עבדי הדדעזר ויביאם ירושלם׃
2 שְׁמוּאֵל ח׳:ח׳
ומבטח ומברתי ערי הדדעזר לקח המלך דוד נחשת הרבה מאד׃

מציג 301–325 מתוך 968 פסוקים

הקודם 1...11 12 13 14 15...39 הבא