David

968 פסוקים · 40 בני משפחה

פסוקים המזכירים את David

2 שְׁמוּאֵל ח׳:ט׳
וישמע תעי מלך חמת כי הכה דוד את כל חיל הדדעזר׃
2 שְׁמוּאֵל ח׳:י׳
וישלח תעי את יורם בנו אל המלך דוד לשאל לו לשלום ולברכו על אשר נלחם בהדדעזר ויכהו כי איש מלחמות תעי היה הדדעזר ובידו היו כלי כסף וכלי זהב וכלי נחשת׃
2 שְׁמוּאֵל ח׳:י״א
גם אתם הקדיש המלך דוד ליהוה עם הכסף והזהב אשר הקדיש מכל הגוים אשר כבש׃
2 שְׁמוּאֵל ח׳:י״ג
ויעש דוד שם בשבו מהכותו את ארם בגיא מלח שמונה עשר אלף׃
2 שְׁמוּאֵל ח׳:י״ד
וישם באדום נצבים בכל אדום שם נצבים ויהי כל אדום עבדים לדוד ויושע יהוה את דוד בכל אשר הלך׃
2 שְׁמוּאֵל ח׳:ט״ו
וימלך דוד על כל ישראל ויהי דוד עשה משפט וצדקה לכל עמו׃
2 שְׁמוּאֵל ח׳:י״ח
ובניהו בן יהוידע והכרתי והפלתי ובני דוד כהנים היו׃
2 שְׁמוּאֵל ט׳:א׳
¶ ויאמר דוד הכי יש עוד אשר נותר לבית שאול ואעשה עמו חסד בעבור יהונתן׃
2 שְׁמוּאֵל ט׳:ב׳
ולבית שאול עבד ושמו ציבא ויקראו לו אל דוד ויאמר המלך אליו האתה ציבא ויאמר עבדך׃
2 שְׁמוּאֵל ט׳:ה׳
וישלח המלך דוד ויקחהו מבית מכיר בן עמיאל מלו דבר׃
2 שְׁמוּאֵל ט׳:ו׳
ויבא מפיבשת בן יהונתן בן שאול אל דוד ויפל על פניו וישתחו ויאמר דוד מפיבשת ויאמר הנה עבדך׃
2 שְׁמוּאֵל ט׳:ז׳
ויאמר לו דוד אל תירא כי עשה אעשה עמך חסד בעבור יהונתן אביך והשבתי לך את כל שדה שאול אביך ואתה תאכל לחם על שלחני תמיד׃
2 שְׁמוּאֵל י׳:ב׳
ויאמר דוד אעשה חסד עם חנון בן נחש כאשר עשה אביו עמדי חסד וישלח דוד לנחמו ביד עבדיו אל אביו ויבאו עבדי דוד ארץ בני עמון׃
2 שְׁמוּאֵל י׳:ג׳
ויאמרו שרי בני עמון אל חנון אדניהם המכבד דוד את אביך בעיניך כי שלח לך מנחמים הלוא בעבור חקור את העיר ולרגלה ולהפכה שלח דוד את עבדיו אליך׃
2 שְׁמוּאֵל י׳:ד׳
ויקח חנון את עבדי דוד ויגלח את חצי זקנם ויכרת את מדויהם בחצי עד שתותיהם וישלחם׃
2 שְׁמוּאֵל י׳:ה׳
ויגדו לדוד וישלח לקראתם כי היו האנשים נכלמים מאד ויאמר המלך שבו בירחו עד יצמח זקנכם ושבתם׃
2 שְׁמוּאֵל י׳:ו׳
ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף איש׃
2 שְׁמוּאֵל י׳:ז׳
וישמע דוד וישלח את יואב ואת כל הצבא הגברים׃
2 שְׁמוּאֵל י׳:י״ז
ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמו׃
2 שְׁמוּאֵל י׳:י״ח
וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שם׃
2 שְׁמוּאֵל י״א:א׳
¶ ויהי לתשובת השנה לעת צאת המלאכים וישלח דוד את יואב ואת עבדיו עמו ואת כל ישראל וישחתו את בני עמון ויצרו על רבה ודוד יושב בירושלם׃
2 שְׁמוּאֵל י״א:ב׳
ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאד׃
2 שְׁמוּאֵל י״א:ג׳
וישלח דוד וידרש לאשה ויאמר הלוא זאת בת שבע בת אליעם אשת אוריה החתי׃
2 שְׁמוּאֵל י״א:ד׳
וישלח דוד מלאכים ויקחה ותבוא אליו וישכב עמה והיא מתקדשת מטמאתה ותשב אל ביתה׃
2 שְׁמוּאֵל י״א:ה׳
ותהר האשה ותשלח ותגד לדוד ותאמר הרה אנכי׃

מציג 326–350 מתוך 968 פסוקים

הקודם 1...12 13 14 15 16...39 הבא