Vargje biblike për Prudence

Kush bëhet garant për një të huaj do të pësojë dëmet e këtij veprimi, por ai që refuzon të japë dorën si garant është i sigurt.

Ai që bën rrëmujë në shtëpinë e vet do të trashëgojë erën, dhe budallai do të jetë shërbëtori i atij që është i urtë nga zemra.

Një njeri lëvdohet për gjykimin e tij, por ai që ka një zemër të çoroditur do të përçmohet.

Budallai e tregon menjëherë pezmatimin e tij, por njeriu i matur e fsheh turpin.

Njeriu i matur e fsheh diturinë e tij, por zemra e budallenjve shpall budallallëkun e tyre.

Çdo njeri i matur vepron me dituri, por budallai kapardiset me marrëzinë e tij.

Dituria e njeriut të matur qëndron në të dalluarit e rrugës së tij, por marrëzia e budallenjve është mashtrim.

Budallai i beson çdo fjale, por njeriu i matur tregon kujdes të veçantë për hapat e tij.

Njeriu i urtë i trëmbet së keqes dhe largohet prej saj, por budallai zemërohet dhe është fodull.

Teveqelit e trashëgojnë budallallëkun, por njerëzit e matur kurorëzohen me dije.

Budallai e përçmon korrigjimin e atit të tij, por ai që e çmon kritikën vepron me zgjuarsi.

Planet dështojnë ku nuk ka arsye, por realizohen atje ku ka një mori këshilltarësh.

Kush i kushton kujdes Fjalës do të gjejë të mirën, dhe kush i beson Zotit është i lumtur.

I urti nga zemra do të quhet i matur, dhe ëmbëlsia e buzëve e shton diturinë.

Shërbëtori që vepron me urtësi ka për të sunduar mbi të birin që e turpëron dhe do të marrë një pjesë të trashëgimisë bashkë me vëllezërit.

Njeriu që nuk ka mend jep dorën si garanci dhe merr zotime për të afërmin e tij.

Zemra e njeriut të matur fiton dituri, edhe veshi i të urtëve kërkon diturinë.

Dhurata e njeriut i hap rrugën dhe e çon në prani të të mëdhenjve.

Përveç kësaj nuk është mirë që një shpirt të jetë pa dije; kush ecën me hapa të shpejta gabon rrugë.

Mënçuria e bën njeriun të mos rrëmbehet shpejt nga zemërimi dhe është në lavdinë e tij t'i kapërcejë fyerjet.

Këshilla në zemrën e njeriut është si uji i thellë, por njeriu me mend do të dijë të mbushë nga ai ujë.

Merr rroben e atij që është bërë garant për një të huaj, dhe mbaje si peng për gruan e huaj.

Planet bëhen të qëndrueshme nga këshilla; prandaj bëje luftën me këshilla të urta.

Synimet e njeriut të kujdesshëm çojnë me siguri në bollëk, por ai që ngutet do të bjerë me siguri në varfëri.

Në shtëpinë e të urtit ka një thesar të çmuar dhe vaj, por njeriu budalla i bën të gjitha rrush e kumbulla.