פסוקים על Prudence

192 פסוקים · 40 היבטים

פסוקי מפתח

סינון לפי ספר
  1. מִשְׁלֵי י״א:ט״ו

    רע ירוע כי ערב זר ושנא תקעים בוטח׃

  2. מִשְׁלֵי י״א:כ״ט

    עוכר ביתו ינחל רוח ועבד אויל לחכם לב׃

  3. מִשְׁלֵי י״ב:ח׳

    לפי שכלו יהלל איש ונעוה לב יהיה לבוז׃

  4. מִשְׁלֵי י״ב:ט״ז

    אויל ביום יודע כעסו וכסה קלון ערום׃

  5. מִשְׁלֵי י״ב:כ״ג

    אדם ערום כסה דעת ולב כסילים יקרא אולת׃

  6. מִשְׁלֵי י״ג:ט״ז

    כל ערום יעשה בדעת וכסיל יפרש אולת׃

  7. מִשְׁלֵי י״ד:ח׳

    חכמת ערום הבין דרכו ואולת כסילים מרמה׃

  8. מִשְׁלֵי י״ד:ט״ו

    פתי יאמין לכל דבר וערום יבין לאשרו׃

  9. מִשְׁלֵי י״ד:ט״ז

    חכם ירא וסר מרע וכסיל מתעבר ובוטח׃

  10. מִשְׁלֵי י״ד:י״ח

    נחלו פתאים אולת וערומים יכתרו דעת׃

  11. מִשְׁלֵי ט״ו:ה׳

    אויל ינאץ מוסר אביו ושמר תוכחת יערם׃

  12. מִשְׁלֵי ט״ו:כ״ב

    הפר מחשבות באין סוד וברב יועצים תקום׃

  13. מִשְׁלֵי ט״ז:כ׳

    משכיל על דבר ימצא טוב ובוטח ביהוה אשריו׃

  14. מִשְׁלֵי ט״ז:כ״א

    לחכם לב יקרא נבון ומתק שפתים יסיף לקח׃

  15. מִשְׁלֵי י״ז:ב׳

    עבד משכיל ימשל בבן מביש ובתוך אחים יחלק נחלה׃

  16. מִשְׁלֵי י״ז:י״ח

    אדם חסר לב תוקע כף ערב ערבה לפני רעהו׃

  17. מִשְׁלֵי י״ח:ט״ו

    לב נבון יקנה דעת ואזן חכמים תבקש דעת׃

  18. מִשְׁלֵי י״ח:ט״ז

    מתן אדם ירחיב לו ולפני גדלים ינחנו׃

  19. מִשְׁלֵי י״ט:ב׳

    גם בלא דעת נפש לא טוב ואץ ברגלים חוטא׃

  20. מִשְׁלֵי י״ט:י״א

    שכל אדם האריך אפו ותפארתו עבר על פשע׃

  21. מִשְׁלֵי כ׳:ה׳

    מים עמקים עצה בלב איש ואיש תבונה ידלנה׃

  22. מִשְׁלֵי כ׳:ט״ז

    לקח בגדו כי ערב זר ובעד נכרים חבלהו׃

  23. מִשְׁלֵי כ׳:י״ח

    מחשבות בעצה תכון ובתחבלות עשה מלחמה׃

  24. מִשְׁלֵי כ״א:ה׳

    מחשבות חרוץ אך למותר וכל אץ אך למחסור׃

  25. מִשְׁלֵי כ״א:כ׳

    אוצר נחמד ושמן בנוה חכם וכסיל אדם יבלענו׃