TRV
circa 6 BC – AD 30
The Life of Jesus
The eternal Son of God enters history: born in Bethlehem, baptized in the Jordan, crucified at Golgotha, raised on the third day.
Vargje nga kjo periudhë
- Mateu 23:27rreth 33 e.s.
Mjerë ju, o skribë dhe farisenj hipokritë! Sepse u ngjani varreve të zbardhuara (me gëlqere), që nga jashtë duken të bukur, por brenda janë plot eshtra të vdekurish dhe gjithfarë papastërtish.
- Mateu 23:28rreth 33 e.s.
Kështu edhe ju nga jashtë u paraqiteni njerëzve si të drejtë; por përbrenda jeni plot hipokrizi dhe paudhësi.
- Mateu 23:29rreth 33 e.s.
Mjerë ju, o skribë dhe farisenj hipokritë! Sepse ndërtoni varrezat e profetëve dhe zbukuroni monumentet e të drejtëve,
- Mateu 23:30rreth 33 e.s.
dhe thoni: "Po të kishim jetuar në kohën e etërve tanë, nuk do të kishim bashkëpunuar me ta në vrasjen e profetëve".
- Mateu 23:31rreth 33 e.s.
Duke folur kështu, ju dëshmoni kundër vetes suaj, se jeni bijtë e atyre që vranë profetët.
- Mateu 23:32rreth 33 e.s.
Ju e kaloni masën e etërve tuaj!
- Mateu 23:33rreth 33 e.s.
O gjarpërinj, o pjellë nëpërkash! Si do t'i shpëtoni gjykimit të Gehenas?
- Mateu 23:34rreth 33 e.s.
Prandaj, ja unë po ju dërgoj profetë, dijetarë dhe skribë; ju disa prej tyre do t'i vritni dhe do t'i kryqëzoni, disa të tjerë do t'i fshikulloni në sinagogat tuaja dhe do t'i persekutoni nga një qytet në tjetrin,
- Mateu 23:35rreth 33 e.s.
që të bjerë mbi ju gjithë gjaku i drejtë i derdhur mbi dhe, nga gjaku i të drejtit Abel, deri te gjaku i Zaharias, birit të Barakias, që ju e vratë ndërmjet tempullit dhe altarit.
- Mateu 23:36rreth 33 e.s.
Në të vërtetë po ju them se të gjitha këto gjëra do të bien mbi këtë brez.
- Mateu 23:37rreth 33 e.s.
Jeruzalem, Jeruzalem, që i vret profetët dhe i vret me gurë ata që të janë dërguar! Sa herë kam dashur t'i mbledh bijtë e tu ashtu si i mbledh klloçka zogjtë e vet nën krahë, por ju nuk deshët!
- Mateu 23:38rreth 33 e.s.
Ja, shtëpia juaj po ju lihet e shkretë.
- Mateu 23:39rreth 33 e.s.
Sepse unë po ju them, se tash e tutje nuk do të më shihni më deri sa të thoni: "I bekuar qoftë ai që vjen në emër të Zotit!"''.
- Mateu 24:1rreth 33 e.s.
Tani kur Jezusi doli nga tempulli dhe po largohej, dishepujt e tij iu afruan për t'i treguar ndërtesat e tempullit.
- Mateu 24:2rreth 33 e.s.
Por Jezusi u tha atyre: ''A nuk i shikoni ju të gjitha këto? Në të vërtetë po ju them se këtu nuk do të mbetet asnjë gur mbi gur që nuk do të rrënohet''.
- Mateu 24:3rreth 33 e.s.
Pastaj, kur ai u ul të rrinte në malin e Ullinjve, dishepujt e vet iu afruan mënjanë dhe i thanë: ''Na thuaj, kur do të ndodhin këto gjëra? Dhe cila do të jetë shenja e ardhjes sate dhe e mbarimit të botës?''.
- Mateu 24:4rreth 33 e.s.
Dhe Jezusi duke u përgjigjur u tha atyre: ''Ruhuni se mos ju mashtron ndokush!
- Mateu 24:5rreth 33 e.s.
Sepse shumë do të vijnë në emrin tim, duke thënë: "Unë jam Krishti" dhe do të mashtrojnë shumë njërëz.
- Mateu 24:6rreth 33 e.s.
Atëherë do të dëgjoni të flitet për lufta dhe për ushtima luftash; ruhuni të mos shqetësoheni, sepse të gjitha këto duhet të ndodhin, por ende mbarimi nuk do të ketë ardhur.
- Mateu 24:7rreth 33 e.s.
Do të ngrihet, pra, popull kundër populli dhe mbretëri kundër mbretërie; do të ketë zi buke, murtajë dhe tërmete në vende të ndryshme.
- Mateu 24:8rreth 33 e.s.
Por të gjitha këto gjëra do të jenë vetëm fillimi i dhembjeve të lindjes.
- Mateu 24:9rreth 33 e.s.
Atëherë do t'ju dorëzojnë në mundime dhe do t'ju vrasin; dhe të gjithë kombet do t'ju urrejnë për shkak të emrit tim.
- Mateu 24:10rreth 33 e.s.
Atëherë shumë do të skandalizohen, do ta tradhëtojnë njeri tjetrin dhe do të urrejnë njeri tjetrin.
- Mateu 24:11rreth 33 e.s.
Dhe do të dalin shumë profetë të rremë, dhe do të mashtrojnë shumë njerëz.
- Mateu 24:12rreth 33 e.s.
Dhe, duke qenë se paudhësia do të shumohet, shumëkujt do t'i ftohet dashuria;