פסוקים על Wine

והארץ תענה את הדגן ואת התירוש ואת היצהר והם יענו את יזרעאל׃

זנות ויין ותירוש יקח לב׃

ולא זעקו אלי בלבם כי יילילו על משכבותם על דגן ותירוש יתגוררו יסורו בי׃

ישבו ישבי בצלו יחיו דגן ויפרחו כגפן זכרו כיין לבנון׃

הקיצו שכורים ובכו והיללו כל שתי יין על עסיס כי נכרת מפיכם׃

שדד שדה אבלה אדמה כי שדד דגן הוביש תירוש אמלל יצהר׃

ויען יהוה ויאמר לעמו הנני שלח לכם את הדגן והתירוש והיצהר ושבעתם אתו ולא אתן אתכם עוד חרפה בגוים׃

ומלאו הגרנות בר והשיקו היקבים תירוש ויצהר׃

ואל עמי ידו גורל ויתנו הילד בזונה והילדה מכרו ביין וישתו׃

השתים במזרקי יין וראשית שמנים ימשחו ולא נחלו על שבר יוסף׃

הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנה׃

אתה תזרע ולא תקצור אתה תדרך זית ולא תסוך שמן ותירוש ולא תשתה יין׃

ואף כי היין בוגד גבר יהיר ולא ינוה אשר הרחיב כשאול נפשו והוא כמות ולא ישבע ויאסף אליו כל הגוים ויקבץ אליו כל העמים׃

הוי משקה רעהו מספח חמתך ואף שכר למען הביט על מעוריהם׃

ואקרא חרב על הארץ ועל ההרים ועל הדגן ועל התירוש ועל היצהר ועל אשר תוציא האדמה ועל האדם ועל הבהמה ועל כל יגיע כפים׃

מהיותם בא אל ערמת עשרים והיתה עשרה בא אל היקב לחשף חמשים פורה והיתה עשרים׃

כי מה טובו ומה יפיו דגן בחורים ותירוש ינובב בתלות׃

והיו כגבור אפרים ושמח לבם כמו יין ובניהם יראו ושמחו יגל לבם ביהוה׃

וכשמעו כי ארקלוס מלך ביהודה תחת הורדוס אביו ירא ללכת שמה ויצוה בחלום וילך לו אל ארצות הגליל׃

ויקח את הכוס ויברך ויתן להם לאמר שתו ממנה כלכם׃

כי זה הוא דמי דם הברית החדשה הנשפך בעד רבים לסליחת חטאים׃

ואני אמר לכם כי מעתה שתה לא אשתה מתנובת הגפן הזאת עד היום ההוא אשר אשתה אתה עמכם חדשה במלכות אבי׃

וימהר אחד מהם וירץ ויקח ספוג וימלא אתו חמץ וישימהו על קנה וישקהו׃

ואין נתן יין חדש בנאדות בלים כי אז יבקע היין את הנאדות והיין ישפך והנאדות יאבדו אבל בנאדות חדשים ינתן היין החדש׃

ויקח את הכוס ויברך ויתן להם וישתו ממנה כלם׃