פסוקים על Wine

ויחל נח איש האדמה ויטע כרם׃

וישת מן היין וישכר ויתגל בתוך אהלה׃

ומלכי צדק מלך שלם הוציא לחם ויין והוא כהן לאל עליון׃

ויאמר הגשה לי ואכלה מציד בני למען תברכך נפשי ויגש לו ויאכל ויבא לו יין וישת׃

ויתן לך האלהים מטל השמים ומשמני הארץ ורב דגן ותירש׃

ויען יצחק ויאמר לעשו הן גביר שמתיו לך ואת כל אחיו נתתי לו לעבדים ודגן ותירש סמכתיו ולכה אפוא מה אעשה בני׃

וכוס פרעה בידי ואקח את הענבים ואשחט אתם אל כוס פרעה ואתן את הכוס על כף פרעה׃

יהודה אתה יודוך אחיך ידך בערף איביך ישתחוו לך בני אביך׃

אסרי לגפן עירה ולשרקה בני אתנו כבס ביין לבשו ובדם ענבים סותה׃

חכלילי עינים מיין ולבן שנים מחלב׃

ועשרן סלת בלול בשמן כתית רבע ההין ונסך רבעית ההין יין לכבש האחד׃

יין ושכר אל תשת אתה ובניך אתך בבאכם אל אהל מועד ולא תמתו חקת עולם לדרתיכם׃

ומנחתו שני עשרנים סלת בלולה בשמן אשה ליהוה ריח ניחח ונסכה יין רביעת ההין׃

מיין ושכר יזיר חמץ יין וחמץ שכר לא ישתה וכל משרת ענבים לא ישתה וענבים לחים ויבשים לא יאכל׃

והקריב המקריב קרבנו ליהוה מנחה סלת עשרון בלול ברבעית ההין שמן׃

ויין לנסך רביעית ההין תעשה על העלה או לזבח לכבש האחד׃

או לאיל תעשה מנחה סלת שני עשרנים בלולה בשמן שלשית ההין׃

ויין לנסך שלשית ההין תקריב ריח ניחח ליהוה׃

וכי תעשה בן בקר עלה או זבח לפלא נדר או שלמים ליהוה׃

והקריב על בן הבקר מנחה סלת שלשה עשרנים בלול בשמן חצי ההין׃

ויין תקריב לנסך חצי ההין אשה ריח ניחח ליהוה׃

ונסכו רביעת ההין לכבש האחד בקדש הסך נסך שכר ליהוה׃

ונסכיהם חצי ההין יהיה לפר ושלישת ההין לאיל ורביעת ההין לכבש יין זאת עלת חדש בחדשו לחדשי השנה׃

ונתתה הכסף בכל אשר תאוה נפשך בבקר ובצאן וביין ובשכר ובכל אשר תשאלך נפשך ואכלת שם לפני יהוה אלהיך ושמחת אתה וביתך׃

ראשית דגנך תירשך ויצהרך וראשית גז צאנך תתן לו׃