פסוקים על Wine: Of the wrath and judgments of God

9 פסוקים · 83 היבטים

פסוקים על Of the wrath and judgments of God

תְהִלִּים ס׳:ג׳
הראיתה עמך קשה השקיתנו יין תרעלה׃
תְהִלִּים ע״ה:ח׳
כי כוס ביד יהוה ויין חמר מלא מסך ויגר מזה אך שמריה ימצו ישתו כל רשעי ארץ׃
יִרְמְיָהוּ י״ג:י״ב
ואמרת אליהם את הדבר הזה כה אמר יהוה אלהי ישראל כל נבל ימלא יין ואמרו אליך הידע לא נדע כי כל נבל ימלא יין׃
יִרְמְיָהוּ י״ג:י״ג
ואמרת אליהם כה אמר יהוה הנני ממלא את כל ישבי הארץ הזאת ואת המלכים הישבים לדוד על כסאו ואת הכהנים ואת הנביאים ואת כל ישבי ירושלם שכרון׃
יִרְמְיָהוּ י״ג:י״ד
ונפצתים איש אל אחיו והאבות והבנים יחדו נאם יהוה לא אחמול ולא אחוס ולא ארחם מהשחיתם׃
יִרְמְיָהוּ כ״ה:ט״ו
כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהם׃
יִרְמְיָהוּ כ״ה:ט״ז
ושתו והתגעשו והתהללו מפני החרב אשר אנכי שלח בינתם׃
יִרְמְיָהוּ כ״ה:י״ז
ואקח את הכוס מיד יהוה ואשקה את כל הגוים אשר שלחני יהוה אליהם׃
יִרְמְיָהוּ כ״ה:י״ח
את ירושלם ואת ערי יהודה ואת מלכיה את שריה לתת אתם לחרבה לשמה לשרקה ולקללה כיום הזה׃