פסוקים על Wine: Admonitions against the use of

יין ושכר אל תשת אתה ובניך אתך בבאכם אל אהל מועד ולא תמתו חקת עולם לדרתיכם׃

מיין ושכר יזיר חמץ יין וחמץ שכר לא ישתה וכל משרת ענבים לא ישתה וענבים לחים ויבשים לא יאכל׃

ועתה השמרי נא ואל תשתי יין ושכר ואל תאכלי כל טמא׃

¶ לץ היין המה שכר וכל שגה בו לא יחכם׃

איש מחסור אהב שמחה אהב יין ושמן לא יעשיר׃

למי אוי למי אבוי למי מדונים למי שיח למי פצעים חנם למי חכללות עינים׃

למאחרים על היין לבאים לחקר ממסך׃

אל תרא יין כי יתאדם כי יתן בכיס עינו יתהלך במישרים׃

אחריתו כנחש ישך וכצפעני יפרש׃

אל למלכים למואל אל למלכים שתו יין ולרוזנים או שכר׃

פן ישתה וישכח מחקק וישנה דין כל בני עני׃

הוי משכימי בבקר שכר ירדפו מאחרי בנשף יין ידליקם׃

הוי גבורים לשתות יין ואנשי חיל למסך שכר׃

בשיר לא ישתו יין ימר שכר לשתיו׃

¶ הוי עטרת גאות שכרי אפרים וציץ נבל צבי תפארתו אשר על ראש גיא שמנים הלומי יין׃

ברגלים תרמסנה עטרת גאות שכורי אפרים׃

וגם אלה ביין שגו ובשכר תעו כהן ונביא שגו בשכר נבלעו מן היין תעו מן השכר שגו בראה פקו פליליה׃

לנבאים נשבר לבי בקרבי רחפו כל עצמותי הייתי כאיש שכור וכגבר עברו יין מפני יהוה ומפני דברי קדשו׃

הלוך אל בית הרכבים ודברת אותם והבאותם בית יהוה אל אחת הלשכות והשקית אותם יין׃

ואקח את יאזניה בן ירמיהו בן חבצניה ואת אחיו ואת כל בניו ואת כל בית הרכבים׃

ואבא אתם בית יהוה אל לשכת בני חנן בן יגדליהו איש האלהים אשר אצל לשכת השרים אשר ממעל ללשכת מעשיהו בן שלם שמר הסף׃

ואתן לפני בני בית הרכבים גבעים מלאים יין וכסות ואמר אליהם שתו יין׃

ויאמרו לא נשתה יין כי יונדב בן רכב אבינו צוה עלינו לאמר לא תשתו יין אתם ובניכם עד עולם׃

ובית לא תבנו וזרע לא תזרעו וכרם לא תטעו ולא יהיה לכם כי באהלים תשבו כל ימיכם למען תחיו ימים רבים על פני האדמה אשר אתם גרים שם׃

ונשמע בקול יהונדב בן רכב אבינו לכל אשר צונו לבלתי שתות יין כל ימינו אנחנו נשינו בנינו ובנתינו׃