פסוקים על War

639 פסוקים · 45 היבטים

פסוקי מפתח

סינון לפי ספר
  1. יְשַׁעְיָהוּ ט״ו:ב׳

    עלה הבית ודיבן הבמות לבכי על נבו ועל מידבא מואב ייליל בכל ראשיו קרחה כל זקן גרועה׃

  2. יְשַׁעְיָהוּ ט״ו:ג׳

    בחוצתיו חגרו שק על גגותיה וברחבתיה כלה ייליל ירד בבכי׃

  3. יְשַׁעְיָהוּ ט״ו:ד׳

    ותזעק חשבון ואלעלה עד יהץ נשמע קולם על כן חלצי מואב יריעו נפשו ירעה לו׃

  4. יְשַׁעְיָהוּ ט״ו:ה׳

    לבי למואב יזעק בריחה עד צער עגלת שלשיה כי מעלה הלוחית בבכי יעלה בו כי דרך חורנים זעקת שבר יעערו׃

  5. יְשַׁעְיָהוּ ט״ו:ו׳

    כי מי נמרים משמות יהיו כי יבש חציר כלה דשא ירק לא היה׃

  6. יְשַׁעְיָהוּ ט״ו:ז׳

    על כן יתרה עשה ופקדתם על נחל הערבים ישאום׃

  7. יְשַׁעְיָהוּ ט״ו:ח׳

    כי הקיפה הזעקה את גבול מואב עד אגלים יללתה ובאר אילים יללתה׃

  8. יְשַׁעְיָהוּ ט״ו:ט׳

    כי מי דימון מלאו דם כי אשית על דימון נוספות לפליטת מואב אריה ולשארית אדמה׃

  9. יְשַׁעְיָהוּ ט״ז:ט׳

    על כן אבכה בבכי יעזר גפן שבמה אריוך דמעתי חשבון ואלעלה כי על קיצך ועל קצירך הידד נפל׃

  10. יְשַׁעְיָהוּ ט״ז:י׳

    ונאסף שמחה וגיל מן הכרמל ובכרמים לא ירנן לא ירעע יין ביקבים לא ידרך הדרך הידד השבתי׃

  11. יְשַׁעְיָהוּ י״ח:ו׳

    יעזבו יחדו לעיט הרים ולבהמת הארץ וקץ עליו העיט וכל בהמת הארץ עליו תחרף׃

  12. יְשַׁעְיָהוּ י״ט:ב׳

    וסכסכתי מצרים במצרים ונלחמו איש באחיו ואיש ברעהו עיר בעיר ממלכה בממלכה׃

  13. יְשַׁעְיָהוּ י״ט:ג׳

    ונבקה רוח מצרים בקרבו ועצתו אבלע ודרשו אל האלילים ואל האטים ואל האבות ואל הידענים׃

  14. יְשַׁעְיָהוּ י״ט:ד׳

    וסכרתי את מצרים ביד אדנים קשה ומלך עז ימשל בם נאם האדון יהוה צבאות׃

  15. יְשַׁעְיָהוּ י״ט:ה׳

    ונשתו מים מהים ונהר יחרב ויבש׃

  16. יְשַׁעְיָהוּ י״ט:ו׳

    והאזניחו נהרות דללו וחרבו יארי מצור קנה וסוף קמלו׃

  17. יְשַׁעְיָהוּ י״ט:ז׳

    ערות על יאור על פי יאור וכל מזרע יאור ייבש נדף ואיננו׃

  18. יְשַׁעְיָהוּ י״ט:ח׳

    ואנו הדיגים ואבלו כל משליכי ביאור חכה ופרשי מכמרת על פני מים אמללו׃

  19. יְשַׁעְיָהוּ י״ט:ט׳

    ובשו עבדי פשתים שריקות וארגים חורי׃

  20. יְשַׁעְיָהוּ י״ט:י׳

    והיו שתתיה מדכאים כל עשי שכר אגמי נפש׃

  21. יְשַׁעְיָהוּ י״ט:י״א

    אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם׃

  22. יְשַׁעְיָהוּ י״ט:י״ב

    אים אפוא חכמיך ויגידו נא לך וידעו מה יעץ יהוה צבאות על מצרים׃

  23. יְשַׁעְיָהוּ י״ט:י״ג

    נואלו שרי צען נשאו שרי נף התעו את מצרים פנת שבטיה׃

  24. יְשַׁעְיָהוּ י״ט:י״ד

    יהוה מסך בקרבה רוח עועים והתעו את מצרים בכל מעשהו כהתעות שכור בקיאו׃

  25. יְשַׁעְיָהוּ י״ט:ט״ו

    ולא יהיה למצרים מעשה אשר יעשה ראש וזנב כפה ואגמון׃