פסוקים על War

639 פסוקים · 45 היבטים

פסוקי מפתח

יִרְמְיָהוּ ד׳:י״ט
מעי מעי אחולה קירות לבי המה לי לבי לא אחריש כי קול שופר שמעתי נפשי תרועת מלחמה׃
יִרְמְיָהוּ ד׳:כ׳
שבר על שבר נקרא כי שדדה כל הארץ פתאם שדדו אהלי רגע יריעתי׃
יִרְמְיָהוּ ד׳:כ״א
עד מתי אראה נס אשמעה קול שופר׃
יִרְמְיָהוּ ד׳:כ״ב
כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃
יִרְמְיָהוּ ד׳:כ״ג
ראיתי את הארץ והנה תהו ובהו ואל השמים ואין אורם׃
יִרְמְיָהוּ ד׳:כ״ד
ראיתי ההרים והנה רעשים וכל הגבעות התקלקלו׃
יִרְמְיָהוּ ד׳:כ״ה
ראיתי והנה אין האדם וכל עוף השמים נדדו׃
יִרְמְיָהוּ ד׳:כ״ו
ראיתי והנה הכרמל המדבר וכל עריו נתצו מפני יהוה מפני חרון אפו׃
יִרְמְיָהוּ ד׳:כ״ז
כי כה אמר יהוה שממה תהיה כל הארץ וכלה לא אעשה׃
יִרְמְיָהוּ ד׳:כ״ח
על זאת תאבל הארץ וקדרו השמים ממעל על כי דברתי זמתי ולא נחמתי ולא אשוב ממנה׃
יִרְמְיָהוּ ד׳:כ״ט
מקול פרש ורמה קשת ברחת כל העיר באו בעבים ובכפים עלו כל העיר עזובה ואין יושב בהן איש׃
יִרְמְיָהוּ ד׳:ל׳
ואתי שדוד מה תעשי כי תלבשי שני כי תעדי עדי זהב כי תקרעי בפוך עיניך לשוא תתיפי מאסו בך עגבים נפשך יבקשו׃
יִרְמְיָהוּ ד׳:ל״א
כי קול כחולה שמעתי צרה כמבכירה קול בת ציון תתיפח תפרש כפיה אוי נא לי כי עיפה נפשי להרגים׃
יִרְמְיָהוּ ה׳:ט״ז
אשפתו כקבר פתוח כלם גבורים׃
יִרְמְיָהוּ ה׳:י״ז
ואכל קצירך ולחמך יאכלו בניך ובנותיך יאכל צאנך ובקרך יאכל גפנך ותאנתך ירשש ערי מבצריך אשר אתה בוטח בהנה בחרב׃
יִרְמְיָהוּ ו׳:כ״ד
שמענו את שמעו רפו ידינו צרה החזיקתנו חיל כיולדה׃
יִרְמְיָהוּ ו׳:כ״ה
אל תצאי השדה ובדרך אל תלכי כי חרב לאיב מגור מסביב׃
יִרְמְיָהוּ ו׳:כ״ו
בת עמי חגרי שק והתפלשי באפר אבל יחיד עשי לך מספד תמרורים כי פתאם יבא השדד עלינו׃
יִרְמְיָהוּ ז׳:ל״ג
והיתה נבלת העם הזה למאכל לעוף השמים ולבהמת הארץ ואין מחריד׃
יִרְמְיָהוּ ז׳:ל״ד
והשבתי מערי יהודה ומחצות ירושלם קול ששון וקול שמחה קול חתן וקול כלה כי לחרבה תהיה הארץ׃
יִרְמְיָהוּ ח׳:ט״ז
מדן נשמע נחרת סוסיו מקול מצהלות אביריו רעשה כל הארץ ויבואו ויאכלו ארץ ומלואה עיר וישבי בה׃
יִרְמְיָהוּ ח׳:י״ז
כי הנני משלח בכם נחשים צפענים אשר אין להם לחש ונשכו אתכם נאם יהוה׃
יִרְמְיָהוּ ט׳:י׳
על ההרים אשא בכי ונהי ועל נאות מדבר קינה כי נצתו מבלי איש עבר ולא שמעו קול מקנה מעוף השמים ועד בהמה נדדו הלכו׃
יִרְמְיָהוּ ט׳:י״א
ונתתי את ירושלם לגלים מעון תנים ואת ערי יהודה אתן שממה מבלי יושב׃
יִרְמְיָהוּ ט׳:י״ב
מי האיש החכם ויבן את זאת ואשר דבר פי יהוה אליו ויגדה על מה אבדה הארץ נצתה כמדבר מבלי עבר׃

מציג 451–475 מתוך 639 פסוקים

הקודם 1...17 18 19 20 21...26 הבא