פסוקים על War

639 פסוקים · 45 היבטים

פסוקי מפתח

יִרְמְיָהוּ ט׳:י״ג
ויאמר יהוה על עזבם את תורתי אשר נתתי לפניהם ולא שמעו בקולי ולא הלכו בה׃
יִרְמְיָהוּ ט׳:י״ד
וילכו אחרי שררות לבם ואחרי הבעלים אשר למדום אבותם׃
יִרְמְיָהוּ ט׳:ט״ו
לכן כה אמר יהוה צבאות אלהי ישראל הנני מאכילם את העם הזה לענה והשקיתים מי ראש׃
יִרְמְיָהוּ ט׳:ט״ז
והפצותים בגוים אשר לא ידעו המה ואבותם ושלחתי אחריהם את החרב עד כלותי אותם׃
יִרְמְיָהוּ ט׳:י״ז
כה אמר יהוה צבאות התבוננו וקראו למקוננות ותבואינה ואל החכמות שלחו ותבואנה׃
יִרְמְיָהוּ ט׳:י״ח
ותמהרנה ותשנה עלינו נהי ותרדנה עינינו דמעה ועפעפינו יזלו מים׃
יִרְמְיָהוּ ט׳:י״ט
כי קול נהי נשמע מציון איך שדדנו בשנו מאד כי עזבנו ארץ כי השליכו משכנותינו׃
יִרְמְיָהוּ ט׳:כ׳
כי שמענה נשים דבר יהוה ותקח אזנכם דבר פיו ולמדנה בנותיכם נהי ואשה רעותה קינה׃
יִרְמְיָהוּ ט׳:כ״א
כי עלה מות בחלונינו בא בארמנותינו להכרית עולל מחוץ בחורים מרחבות׃
יִרְמְיָהוּ י׳:כ׳
אהלי שדד וכל מיתרי נתקו בני יצאני ואינם אין נטה עוד אהלי ומקים יריעותי׃
יִרְמְיָהוּ י״ב:ז׳
עזבתי את ביתי נטשתי את נחלתי נתתי את ידדות נפשי בכף איביה׃
יִרְמְיָהוּ י״ב:י״ב
על כל שפים במדבר באו שדדים כי חרב ליהוה אכלה מקצה ארץ ועד קצה הארץ אין שלום לכל בשר׃
יִרְמְיָהוּ י״ג:י״ד
ונפצתים איש אל אחיו והאבות והבנים יחדו נאם יהוה לא אחמול ולא אחוס ולא ארחם מהשחיתם׃
יִרְמְיָהוּ י״ד:ט״ו
לכן כה אמר יהוה על הנבאים הנבאים בשמי ואני לא שלחתים והמה אמרים חרב ורעב לא יהיה בארץ הזאת בחרב וברעב יתמו הנבאים ההמה׃
יִרְמְיָהוּ י״ד:י״ח
אם יצאתי השדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃
יִרְמְיָהוּ ט״ו:ח׳
עצמו לי אלמנתו מחול ימים הבאתי להם על אם בחור שדד בצהרים הפלתי עליה פתאם עיר ובהלות׃
יִרְמְיָהוּ ט״ו:ט׳
אמללה ילדת השבעה נפחה נפשה באה שמשה בעד יומם בושה וחפרה ושאריתם לחרב אתן לפני איביהם נאם יהוה׃
יִרְמְיָהוּ י״ח:כ״א
לכן תן את בניהם לרעב והגרם על ידי חרב ותהינה נשיהם שכלות ואלמנות ואנשיהם יהיו הרגי מות בחוריהם מכי חרב במלחמה׃
יִרְמְיָהוּ י״ט:ז׳
ובקתי את עצת יהודה וירושלם במקום הזה והפלתים בחרב לפני איביהם וביד מבקשי נפשם ונתתי את נבלתם למאכל לעוף השמים ולבהמת הארץ׃
יִרְמְיָהוּ י״ט:ח׳
ושמתי את העיר הזאת לשמה ולשרקה כל עבר עליה ישם וישרק על כל מכתה׃
יִרְמְיָהוּ י״ט:ט׳
והאכלתים את בשר בניהם ואת בשר בנתיהם ואיש בשר רעהו יאכלו במצור ובמצוק אשר יציקו להם איביהם ומבקשי נפשם׃
יִרְמְיָהוּ כ״ה:ל״ג
והיו חללי יהוה ביום ההוא מקצה הארץ ועד קצה הארץ לא יספדו ולא יאספו ולא יקברו לדמן על פני האדמה יהיו׃
יִרְמְיָהוּ כ״ז:י״ג
למה תמותו אתה ועמך בחרב ברעב ובדבר כאשר דבר יהוה אל הגוי אשר לא יעבד את מלך בבל׃
יִרְמְיָהוּ כ״ח:ח׳
הנביאים אשר היו לפני ולפניך מן העולם וינבאו אל ארצות רבות ועל ממלכות גדלות למלחמה ולרעה ולדבר׃
יִרְמְיָהוּ מ״ו:ג׳
ערכו מגן וצנה וגשו למלחמה׃

מציג 476–500 מתוך 639 פסוקים

הקודם 1...18 19 20 21 22...26 הבא