פסוקים על The Tribe Of Simeon

¶ ויצא הגורל השני לשמעון למטה בני שמעון למשפחותם ויהי נחלתם בתוך נחלת בני יהודה׃

ויהי להם בנחלתם באר שבע ושבע ומולדה׃

וחצר שועל ובלה ועצם׃

ואלתולד ובתול וחרמה׃

וצקלג ובית המרכבות וחצר סוסה׃

ובית לבאות ושרוחן ערים שלש עשרה וחצריהן׃

עין רמון ועתר ועשן ערים ארבע וחצריהן׃

וכל החצרים אשר סביבות הערים האלה עד בעלת באר ראמת נגב זאת נחלת מטה בני שמעון למשפחתם׃

ויאמר יהודה לשמעון אחיו עלה אתי בגורלי ונלחמה בכנעני והלכתי גם אני אתך בגורלך וילך אתו שמעון׃

וילך יהודה את שמעון אחיו ויכו את הכנעני יושב צפת ויחרימו אותה ויקרא את שם העיר חרמה׃

וישבו בבאר שבע ומולדה וחצר שועל׃

ובבלהה ובעצם ובתולד׃

ובבתואל ובחרמה ובציקלג׃

ובבית מרכבות ובחצר סוסים ובבית בראי ובשערים אלה עריהם עד מלך דויד׃

וחצריהם עיטם ועין רמון ותכן ועשן ערים חמש׃

וכל חצריהם אשר סביבות הערים האלה עד בעל זאת מושבתם והתיחשם להם׃

וילכו למבוא גדר עד למזרח הגיא לבקש מרעה לצאנם׃

וימצאו מרעה שמן וטוב והארץ רחבת ידים ושקטת ושלוה כי מן חם הישבים שם לפנים׃

ויבאו אלה הכתובים בשמות בימי יחזקיהו מלך יהודה ויכו את אהליהם ואת המעינים אשר נמצאו שמה ויחרימם עד היום הזה וישבו תחתיהם כי מרעה לצאנם שם׃

ומהם מן בני שמעון הלכו להר שעיר אנשים חמש מאות ופלטיה ונעריה ורפיה ועזיאל בני ישעי בראשם׃

ויכו את שארית הפלטה לעמלק וישבו שם עד היום הזה׃

מן בני שמעון גבורי חיל לצבא שבעת אלפים ומאה׃

ועל שבטי ישראל לראובני נגיד אליעזר בן זכרי לשמעוני שפטיהו בן מעכה׃

ויקבץ את כל יהודה ובנימן והגרים עמהם מאפרים ומנשה ומשמעון כי נפלו עליו מישראל לרב בראתם כי יהוה אלהיו עמו׃

ובערי מנשה ואפרים ושמעון ועד נפתלי בהר בתיהם סביב׃