פסוקים על The Tribe Of Simeon

ותהר עוד ותלד בן ותאמר כי שמע יהוה כי שנואה אנכי ויתן לי גם את זה ותקרא שמו שמעון׃

שמעון ולוי אחים כלי חמס מכרתיהם׃

בסדם אל תבא נפשי בקהלם אל תחד כבדי כי באפם הרגו איש וברצנם עקרו שור׃

ארור אפם כי עז ועברתם כי קשתה אחלקם ביעקב ואפיצם בישראל׃

לשמעון שלמיאל בן צורישדי׃

לבני שמעון תולדתם למשפחתם לבית אבתם פקדיו במספר שמות לגלגלתם כל זכר מבן עשרים שנה ומעלה כל יצא צבא׃

פקדיהם למטה שמעון תשעה וחמשים אלף ושלש מאות׃

והחונם עליו מטה שמעון ונשיא לבני שמעון שלמיאל בן צורי שדי׃

וצבאו ופקדיהם תשעה וחמשים אלף ושלש מאות׃

ביום החמישי נשיא לבני שמעון שלמיאל בן צורישדי׃

קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃

כף אחת עשרה זהב מלאה קטרת׃

פר אחד בן בקר איל אחד כבש אחד בן שנתו לעלה׃

שעיר עזים אחד לחטאת׃

ולזבח השלמים בקר שנים אילם חמשה עתדים חמשה כבשים בני שנה חמשה זה קרבן שלמיאל בן צורישדי׃

ונסע דגל מחנה ראובן לצבאתם ועל צבאו אליצור בן שדיאור׃

ועל צבא מטה בני שמעון שלמיאל בן צורי שדי׃

למטה שמעון שפט בן חורי׃

ויהיו המתים במגפה ארבעה ועשרים אלף׃

ושם איש ישראל המכה אשר הכה את המדינית זמרי בן סלוא נשיא בית אב לשמעני׃

בני שמעון למשפחתם לנמואל משפחת הנמואלי לימין משפחת הימיני ליכין משפחת היכיני׃

לזרח משפחת הזרחי לשאול משפחת השאולי׃

אלה משפחת השמעני שנים ועשרים אלף ומאתים׃

ולמטה בני שמעון שמואל בן עמיהוד׃

אלה יעמדו לברך את העם על הר גרזים בעברכם את הירדן שמעון ולוי ויהודה ויששכר ויוסף ובנימן׃