פסוקים על Prophets

655 פסוקים · 128 היבטים

פסוקי מפתח

סינון לפי ספר
  1. 1 שְׁמוּאֵל ג׳:כ׳

    וידע כל ישראל מדן ועד באר שבע כי נאמן שמואל לנביא ליהוה׃

  2. 1 שְׁמוּאֵל ג׳:כ״א

    ויסף יהוה להראה בשלה כי נגלה יהוה אל שמואל בשלו בדבר יהוה׃

  3. 1 שְׁמוּאֵל ט׳:ו׳

    ויאמר לו הנה נא איש אלהים בעיר הזאת והאיש נכבד כל אשר ידבר בוא יבוא עתה נלכה שם אולי יגיד לנו את דרכנו אשר הלכנו עליה׃

  4. 1 שְׁמוּאֵל ט׳:ז׳

    ויאמר שאול לנערו והנה נלך ומה נביא לאיש כי הלחם אזל מכלינו ותשורה אין להביא לאיש האלהים מה אתנו׃

  5. 1 שְׁמוּאֵל ט׳:ח׳

    ויסף הנער לענות את שאול ויאמר הנה נמצא בידי רבע שקל כסף ונתתי לאיש האלהים והגיד לנו את דרכנו׃

  6. 1 שְׁמוּאֵל ט׳:ט׳

    לפנים בישראל כה אמר האיש בלכתו לדרוש אלהים לכו ונלכה עד הראה כי לנביא היום יקרא לפנים הראה׃

  7. 1 שְׁמוּאֵל ט׳:ט״ו

    ויהוה גלה את אזן שמואל יום אחד לפני בוא שאול לאמר׃

  8. 1 שְׁמוּאֵל ט׳:ט״ז

    כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אלי׃

  9. 1 שְׁמוּאֵל ט׳:י״ז

    ושמואל ראה את שאול ויהוה ענהו הנה האיש אשר אמרתי אליך זה יעצר בעמי׃

  10. 1 שְׁמוּאֵל ט׳:י״ח

    ויגש שאול את שמואל בתוך השער ויאמר הגידה נא לי אי זה בית הראה׃

  11. 1 שְׁמוּאֵל ט׳:י״ט

    ויען שמואל את שאול ויאמר אנכי הראה עלה לפני הבמה ואכלתם עמי היום ושלחתיך בבקר וכל אשר בלבבך אגיד לך׃

  12. 1 שְׁמוּאֵל ט׳:כ׳

    ולאתנות האבדות לך היום שלשת הימים אל תשם את לבך להם כי נמצאו ולמי כל חמדת ישראל הלוא לך ולכל בית אביך׃

  13. 1 שְׁמוּאֵל י׳:ה׳

    אחר כן תבוא גבעת האלהים אשר שם נצבי פלשתים ויהי כבאך שם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃

  14. 1 שְׁמוּאֵל י׳:ו׳

    וצלחה עליך רוח יהוה והתנבית עמם ונהפכת לאיש אחר׃

  15. 1 שְׁמוּאֵל י׳:ז׳

    והיה כי תבאינה האתות האלה לך עשה לך אשר תמצא ידך כי האלהים עמך׃

  16. 1 שְׁמוּאֵל י׳:י׳

    ויבאו שם הגבעתה והנה חבל נבאים לקראתו ותצלח עליו רוח אלהים ויתנבא בתוכם׃

  17. 1 שְׁמוּאֵל ט״ו:י׳

    ויהי דבר יהוה אל שמואל לאמר׃

  18. 1 שְׁמוּאֵל ט״ו:ט״ז

    ויאמר שמואל אל שאול הרף ואגידה לך את אשר דבר יהוה אלי הלילה ויאמרו לו דבר׃

  19. 1 שְׁמוּאֵל ט״ו:י״ז

    ויאמר שמואל הלוא אם קטן אתה בעיניך ראש שבטי ישראל אתה וימשחך יהוה למלך על ישראל׃

  20. 1 שְׁמוּאֵל ט״ו:י״ח

    וישלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃

  21. 1 שְׁמוּאֵל ט״ו:י״ט

    ולמה לא שמעת בקול יהוה ותעט אל השלל ותעש הרע בעיני יהוה׃

  22. 1 שְׁמוּאֵל ט״ז:י״ג

    ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה׃

  23. 1 שְׁמוּאֵל י״ט:כ׳

    וישלח שאול מלאכים לקחת את דוד וירא את להקת הנביאים נבאים ושמואל עמד נצב עליהם ותהי על מלאכי שאול רוח אלהים ויתנבאו גם המה׃

  24. 1 שְׁמוּאֵל י״ט:כ״ג

    וילך שם אל נוית ברמה ותהי עליו גם הוא רוח אלהים וילך הלוך ויתנבא עד באו בנוית ברמה׃

  25. 1 שְׁמוּאֵל י״ט:כ״ד

    ויפשט גם הוא בגדיו ויתנבא גם הוא לפני שמואל ויפל ערם כל היום ההוא וכל הלילה על כן יאמרו הגם שאול בנביאם׃