פסוקים על Prophets

אם כמות כל האדם ימתון אלה ופקדת כל האדם יפקד עליהם לא יהוה שלחני׃

ויען בלעם ויאמר אל עבדי בלק אם יתן לי בלק מלא ביתו כסף וזהב לא אוכל לעבר את פי יהוה אלהי לעשות קטנה או גדולה׃

ויאמר בלעם אל בלק הנה באתי אליך עתה היכול אוכל דבר מאומה הדבר אשר ישים אלהים בפי אתו אדבר׃

וישם יהוה דבר בפי בלעם ויאמר שוב אל בלק וכה תדבר׃

ויען ויאמר הלא את אשר ישים יהוה בפי אתו אשמר לדבר׃

הנה ברך לקחתי וברך ולא אשיבנה׃

ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשה׃

וישא בלעם את עיניו וירא את ישראל שכן לשבטיו ותהי עליו רוח אלהים׃

וישא משלו ויאמר נאם בלעם בנו בער ונאם הגבר שתם העין׃

נאם שמע אמרי אל אשר מחזה שדי יחזה נפל וגלוי עינים׃

וישא משלו ויאמר נאם בלעם בנו בער ונאם הגבר שתם העין׃

נאם שמע אמרי אל וידע דעת עליון מחזה שדי יחזה נפל וגלוי עינים׃

בעבר הירדן בארץ מואב הואיל משה באר את התורה הזאת לאמר׃

יהוה אלהינו דבר אלינו בחרב לאמר רב לכם שבת בהר הזה׃

פנים בפנים דבר יהוה עמכם בהר מתוך האש׃

אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האש ולא עליתם בהר לאמר׃

אנכי יהוה אלהיך אשר הוצאתיך מארץ מצרים מבית עבדים׃

ואתה פה עמד עמדי ואדברה אליך את כל המצוה והחקים והמשפטים אשר תלמדם ועשו בארץ אשר אנכי נתן להם לרשתה׃

נביא מקרבך מאחיך כמני יקים לך יהוה אלהיך אליו תשמעון׃

נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו׃

אך הנביא אשר יזיד לדבר דבר בשמי את אשר לא צויתיו לדבר ואשר ידבר בשם אלהים אחרים ומת הנביא ההוא׃

ויבא משה וידבר את כל דברי השירה הזאת באזני העם הוא והושע בן נון׃

ויהושע בן נון מלא רוח חכמה כי סמך משה את ידיו עליו וישמעו אליו בני ישראל ויעשו כאשר צוה יהוה את משה׃

ולא קם נביא עוד בישראל כמשה אשר ידעו יהוה פנים אל פנים׃

לכל האתות והמופתים אשר שלחו יהוה לעשות בארץ מצרים לפרעה ולכל עבדיו ולכל ארצו׃