פסוקים על Prophets: Denounce the wickedness of kings

18 פסוקים · 128 היבטים

פסוקים על Denounce the wickedness of kings

1 שְׁמוּאֵל ט״ו:י׳
ויהי דבר יהוה אל שמואל לאמר׃
1 שְׁמוּאֵל ט״ו:ט״ז
ויאמר שמואל אל שאול הרף ואגידה לך את אשר דבר יהוה אלי הלילה ויאמרו לו דבר׃
1 שְׁמוּאֵל ט״ו:י״ז
ויאמר שמואל הלוא אם קטן אתה בעיניך ראש שבטי ישראל אתה וימשחך יהוה למלך על ישראל׃
1 שְׁמוּאֵל ט״ו:י״ח
וישלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃
1 שְׁמוּאֵל ט״ו:י״ט
ולמה לא שמעת בקול יהוה ותעט אל השלל ותעש הרע בעיני יהוה׃
2 שְׁמוּאֵל י״ב:ז׳
ויאמר נתן אל דוד אתה האיש כה אמר יהוה אלהי ישראל אנכי משחתיך למלך על ישראל ואנכי הצלתיך מיד שאול׃
2 שְׁמוּאֵל י״ב:ח׳
ואתנה לך את בית אדניך ואת נשי אדניך בחיקך ואתנה לך את בית ישראל ויהודה ואם מעט ואספה לך כהנה וכהנה׃
2 שְׁמוּאֵל י״ב:ט׳
מדוע בזית את דבר יהוה לעשות הרע בעינו את אוריה החתי הכית בחרב ואת אשתו לקחת לך לאשה ואתו הרגת בחרב בני עמון׃
2 שְׁמוּאֵל י״ב:י׳
ועתה לא תסור חרב מביתך עד עולם עקב כי בזתני ותקח את אשת אוריה החתי להיות לך לאשה׃
2 שְׁמוּאֵל י״ב:י״א
כה אמר יהוה הנני מקים עליך רעה מביתך ולקחתי את נשיך לעיניך ונתתי לרעיך ושכב עם נשיך לעיני השמש הזאת׃
2 שְׁמוּאֵל י״ב:י״ב
כי אתה עשית בסתר ואני אעשה את הדבר הזה נגד כל ישראל ונגד השמש׃
1 מְלָכִים י״ח:י״ח
ויאמר לא עכרתי את ישראל כי אם אתה ובית אביך בעזבכם את מצות יהוה ותלך אחרי הבעלים׃
1 מְלָכִים כ״א:י״ז
ויהי דבר יהוה אל אליהו התשבי לאמר׃
1 מְלָכִים כ״א:י״ח
קום רד לקראת אחאב מלך ישראל אשר בשמרון הנה בכרם נבות אשר ירד שם לרשתו׃
1 מְלָכִים כ״א:י״ט
ודברת אליו לאמר כה אמר יהוה הרצחת וגם ירשת ודברת אליו לאמר כה אמר יהוה במקום אשר לקקו הכלבים את דם נבות ילקו הכלבים את דמך גם אתה׃
1 מְלָכִים כ״א:כ׳
ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃
1 מְלָכִים כ״א:כ״א
הנני מבי אליך רעה ובערתי אחריך והכרתי לאחאב משתין בקיר ועצור ועזוב בישראל׃
1 מְלָכִים כ״א:כ״ב
ונתתי את ביתך כבית ירבעם בן נבט וכבית בעשא בן אחיה אל הכעס אשר הכעסת ותחטא את ישראל׃